Rivojlangan darslik lotin tayyor doc

10.3. Singapurda bozor iqtisodiyoti xususiyatlari 
Singapur yangi industrial mamlakatlar ichida eng kichik, aholisi 3 mln 
kishidan iborat va har tomonlama taraqqiy etgan hisoblanadi. Janubiy Osiyoda 
joylashgan bo`lib, Sharqiy-Janubiy Osiyo mamlakatlari dengiz yo`lida muhim rol 
o`ynaydi va halqaro aeroportga ega. Singapurda davlat aralashuvi kuchliroq va tashqi 
ochiqlik boshqa mamlakatlardagidek emas. Chunki iqtisodiyotni tartiblashtirish 
ancha qattiqlik bilan olib boriladi va iqtisodiyotni kuchli boshqarish modeli mavjud. 

---

257
Bu nuqtai nazardan ayniqsa Gonkong modelidan ancha farq qiladi. Singapur 
iqtisodiyoti “boshqariladigan demokratiya” nomini olgan. 
Iqtisodiyotda importning o`rnini bosuvchi siyosat kuchli va bu qat’iylik bilan 
ta’minlanadi. Regionda negizli tarmoqlar mahsulotini qayta ishlash bo`yicha yaxshi 
moslashib, bu sohada asosiy o`rinni egallaydi. YAIMda qishloq xo`jaligi 0,2 foiz 
sanoat – 35 foiz, moliya va biznes kommunikatsiya – 13 foizni egallaydi. 
Iqtisodda elektronika, axborot va biotexnologiya asos bo`lib hisoblanadi. 
Yirik moliyaviy markazga aylangan. Biznes bo`yicha eng yaxshi shahar hisoblanadi. 
1997 – yilda YAIM 89,6 mln. dollarni tashkil etgan, aholi jon boshiga esa 29 ming 
dollardan to`g`ri keladi. 1990-1997 yillar ichida YAIMning o`sishi yiliga 8,5 foizga 
to`g`ri kelgan. 
Davlat sektori xajmi bo`yicha katta emas. U 1974-yildagi 180 korxonadan 
1983-yilda 450 korxonaga o`sgan. Bularda bandlik 5 foizga teng. Davlat korxonalari 
dengiz, havo transportlari, kommunal xo`jalik, uy-joy qurilishida faoliyat ko`rsatadi. 
Singapurga xos narsalardan biri shuki, davlat korxonalarining yalpi omonatdagi 
hissasi kattadir. Bular son jixatidan oz bo`lsa ham kuchli moliyaga ega bo`lish bilan 
birga byudjetga yaqinligi kuchli. 
Singapurning o`ziga xos tomoni boshqalarga nisbatan tartibning yuqori 
darajadaligidir.