Respublikasi oliy va o’rta maxsus ta’lim vazirligi namangan muhandislik-pedagogika

Flyuslar. Haroratning oshishi bilan kavsharlanadigan sirtlarning oksidlanish tezligi orta boradi, buning natijasida kavsharning detal sirtiga yopishishi yomonlashadi. Oksidlarni yo’qotish uchun-flyuslar qo’llaniladi. Flyuslar kavsharlarning kavsharlanadigan sirtga yopishishiga yordam beradi. Ular yumshoq va qattiq kavsharlar uchun alohida tayyorlanadi. Bo’lardan tashqari alyumin qotishmasi, zanglamaydigan po’lat hamda cho’yan uchun maxsus flyuslar ishlatiladi.
Yumshoq kavsharlar uchun flyuslar. Bu xildagi kavsharlar uchun xlorli, tsinkli, nashatir, kanifol, kavsharlash pastalari ishlatiladi.
Xlorli tsinkning flyuslash xossasi kuchli bo’lib, qora, rangli metallar (tsinkli, tsinklangan detallar, alyumin hamda uning qotishmasidan tashqari)ni kavsharlashda qo’llaniladi. Zanglashning oldini olish uchun flyusga sut ranggi yo’qolguncha nashatir spirti qo’shiladi.
Nashatir (xlorli alyuminiy)-oq rangli, achchiq-sho’r modda bo’lib, tuzning ta’mini beradi. U tarkibga kukun yoki kristall holida qo’shiladi. Nashatirni qizdirilganda undan sog’liq uchun zararli oq gaz ajraladi, shuning uchun kavsharlashda toza nashatir bilan emas, balki uning suvdagi aralshmasidan va ozgina xlorli tsinkdan foydalaniladi.
Kanifol sarg’ish-jigarrang smola bo’lib, archa smolasini haydash yo’li bilan olinadi. Uning flyuslash xossasi boshqa flyuslarga qaraganda kuchsiz, ammo zangbardoshligi kuchli. Kanifolning kukuni, tayoqchasi yoki spirtdagi eritmasidan foydalanish mumkin.
Qoviyalash pastasi suyuq holda bo’lib, uni tayyorlash uchun kraxmalni suvda eritib, keyin yopishqoq bo’lgo’nga qadar qaynatiladi. Kraxmal kleysterini sovuq holda xlorli tsink yoki xlorli tsink yoki xlorli ammoniy bilan aralashtirib yopishqoq suyuqlik hosil qiladi.
Zanglamaydigan va issiqqa chidamli po’latni kavsharlashda 50% eritilgan bo’r va 50% bor kislotasining xlorli tsinkdagi eritmasidan tayyorlangan pastadan foydalaniladi. qo’lrang cho’yanni kavsharlashda bo’rga xlorli kaliy, marganets perekis yoki temir oksidi qo’shiladi. Qoviyalash uchun qoviya pastasini yuzaga bir tekis qilib surkaladi. Qoviyalashdan keyin qoldiqlarni qilli cho’tka bilan suvda yuvib tashlash kerak.