Respublikasi oliy va o’rta maxsus ta’lim vazirligi namangan muhandislik-pedagogika

Kichik o’lchamli isitgich lampa yupqa devorli korpus, uning toretsida 0,2 mm li sozlovchi teshik, tiqin, rezina qistirma va jez lappakdan tuzilgan. Tampa bir marta quyilgan benzin (B-70) bilan 20-25 min ishlashi mumkin. Yonish harorati 1000-1200S ga yetadi. Korpus ichidagi benzinning kengayishi tufayli hosil bo’lgan bosim benzinni bulg’atib yuboradi. Keyinchalik bosim issiqlik tufayli bir maromda saqlanib turadi. Lampadan montaj, avtota’mirlash, chilangarlik-yig’ish va boshqa ishlarda foydalaniladi, uni gorizontal va vertikal holatda ishlatish mumkin.

Qoviyalash asboblari

Qoviya-qoviyalash ishlarini bajarishdagi asosiy asbobdir. Qizdirilish usuliga ko’ra qoviyalar davriy, uzluksiz qizdiriladigan turlarga bo’linadi. Qoviyalarni qizdirilishi va konstruktsiyalaridan qat’iy nazar ularning asosiy vazifasi kavsharni eriguncha qizdirish, erigan kavsharni birikmaga qo’yish, qoviyalanadigan joyni qizdirish, erigan ortiqcha kavsharlarni olib tashlashdan iborat.
Davriy qizdiriladigan qoviyalar burchakli va to’g’ri xillarga bo’linadi. Birinchisi ko’p ishlatiladi. To’g’ri qoviyalar qo’l yetmaydigan joylarni qoviyalashda qo’llaniladi. Qoviya ma’lum shaklga ega bo’lgan mis kallak va unga o’rnatilgan dastali chiviqdan tuzilgan. Davriy qizdiriladigan qoviyalar qatoriga gaz va benzinda ishlaydigan qoviyalar kiradi.
Benzin bilan ishlovchi qoviyaning ish kallagi benzin alangasida qiziydi. Qoviya dastasi benzin rezervuari vazifasini bajaradi. Rezervuarning to’rtdan uch qismini benzin bilan to’ldirilib, ventilni mahkam burab qo’yiladi. BENZIN rezervuarini o’t oldida to’ldirish man etiladi.
Elektr qoviyalar keng tarqalgan bo’lib, oddiy va foydalanishga qulayligi bilan boshqalaridan ajralib turadi. Ish jarayonida zararli gazlar chiqmaydi va qoviyalanadigan joy bir tekis qiziydi, bu holat ish sifatini oshiradi. Elektr qoviyalar 2-8 daqiqa ichida qiziydi. Ular to’g’ri, burchakli shaklda ishlab chiqariladi.
Qalay-qo’rg’oshinli kavsharlashg’r uchun quyidagi elektr qoviyalardan foydalaniladi: PTSN-10; PTSN-16; PTSN-25; PTSN-40; PTSN-65; PTSN-100; PTSN-160; PTSN-250 (P-
elektr koviya; TS-chivig’i almashtirilmaydigan koviya; N-ishlash rejimi uzluksiz).