Tovush tezligi deb, tovush toʻlqinining belgilangan biror fazasining tarqalish tezligiga aytiladi

Tovush tezligi deb, tovush toʻlqinining belgilangan biror fazasining tarqalish tezligiga aytiladi. Tovush tezligi muayyan tashqi sharoitda mazkur modda uchun oʻzgarmas boʻlib, toʻlqinning chastotasi va amplitudasiga bogʻliq emas. Gazlarda temperatura va bosim ortishi bilan tovush tezligi ortadi, suyuqliklarda (suvdan tashqari) esa temperatura ortishi bilan, yaʼni suyultirilganda tovush tezligi kamayadi. Suvda temperatura oshishi (74° gacha) bilan tovush tezligi ham ortadi, so'ngra temperatura yuqoriga koʻtarilgan sari tovush tezligi kamaya boradi.

Gaz va suyuqlik aralashmalarida tovush tezligi undagi komponentlarning konsentratsiyasiga bogʻliq bo'ladi. Izotrop qattiq jismlarda tovush tezligi moddaning zichligi va elastiklik moduli bilan aniqlanadi. Tovush tezligi qattiq jismlarda suyukliklardagidan, suyuqliklarda esa gazlardagidan katta. Masalan, tovush tezligi 20°C da havoda 331 m/s ga, suvda 1450 m/s ga, poʻlatda 5000 m/s ga teng . Biroq, darsliklarda havodagi tovush tezligining qiymatini, eksperimental sharoitlardan qat'i nazar, doimiy deb hisoblanishi juda keng tarqalgan.