Respublikasi oliy va o’rta maxsus ta’lim vazirligi namangan muhandislik-pedagogika

Brakning oldini olish tadbirlari. Rejalashda chizmani noto’g’ri o’qish, bazani noto’g’ri tanlash o’lchamlarni e’tiborsizlik bilan qo’yish va reja chiziqlarini palapartish chizish, noaniq rejalash plitasi hamda asboblaridan foydalanish, sifatsiz zagotovkani rejalash brakka sabab bo’lishi mumkin.
Brakning oldini olish uchun, avvalo, chizmani diqqat bilan o’rganib chiqish, rejalanadigan detalni yaxshi tasavvur qilmay turib rejalashga kirishmaslik kerak. Fazoviy rejalashga tayyorlanishda eng muhim moment baza tanlash hisoblanadi. Baza tanlashda yuqorida aytilgan qoidalarga rioya qilish, baza tanlashning turli variantlarini va ularning yasaladigan detal aniqligiga ta’sirini tahlil qilish lozim.
Zagotovkani sinchiklab ko’zdan kechirish kerak. Ko’zdan kechirish va sinashda aniqlanmagan nuqsonlar ishlov berishda ma’lum bo’ladi. SHuni esda tutish kerakki, quyma zagotovkalarda po’k joylar va boshqa nuqsonlar, odatda, chiqiqlar, bobishkalar va flanetslar bor joylarda bo’ladi. Rejalovchi quymaning shu xususiyatlarini bilishi va nuqsonlar zagotovkaning olib tashlanadigan joylarida qoladigan qilib rejalashga intilishi darkor.

Rejalashda xavfsizlik texnikasi

Rejalash plitalari asosiy rejalash jihozi bo’lib, rejalash sifati ularning aniqligiga bog’liq. SHuning uchun ularni juda ehtiyot bo’lib ishlatish kerak: plita sirtini shikastlamaslik uchun detalni plita ustiga ohista qo’yish, plitaga sirtlari ishlanmagan zagotovkalarni qo’ymaslik, plitaga zarb bilan urmaslik va uning ustida detallarni surmaslik lozim. Plita aniqligini yo’qotmasligi uchun uning butun sirtidan foydalanish kerak. Hadeb plitaning bir joyidan foydalanilaversa, shu joyi tezroq yeyilishi mumkin. Rejalash tugagandan so’ng plita sirtini yaxshilab artish, mashina moyi bilan moylash va yog’och kojux bilan yopib qo’yish zarur.
Rejalovchining ish o’rni yaxshi yoritilishi lozim. Ish o’rnini deraza yaqiniga joylashtirgan ma’qul, lekin o’nga quyosh nuri to’g’ri tushmaydigan bo’lsin, aks holda soyalar paydo qilishi mumkin.. yorug’lik plita va chizma sirtiga bir me’yorda va sochilib tushishi kerak.