Республикаси олий ва ўрта махсус таълим вазирлиги

9.2-расм. Еврооблигациялар нархи графиги

Эмитентлар учун хорижий молия бозорларида маблағлар жалб қилиш ҳажми улар ўз облигацияларини ички қимматли қоғозлар бозорида жойлаштириш натижасида олиши мумкин бўлган даражадан анча катта, чунки бу ҳолатда гап глобал бозор ҳақида кетмоқда. Еврооблигациялар эмиссияси, еврооблигациялар бозорига юқори рейтингга эга бўлган структуралар чиқишини ҳисобга олган ҳолда, эмитентнинг капиталлашувини ошириб, унинг акциялари курси ўсишига ижобий таъсир этади.

2. Еврооблигацияларни жойлаштириш ва иккиламчи бозор

Эмитентлар, инвесторлар, воситачилар ва ҳисоб-китоб-депозитар институтлар еврооблигациялар бозори қатнашчилари ҳисобланади.
Ривожланган мамлакатларда еврооблигациялар эмиссияларининг асосий қисми молиявий институтларга тўғри келади, иккинчи ўринда номолиявий компаниялар, учинчи ўринда эса – давлат органлари туради. Ривожланаётган мамлакатларда еврооблигациялар етакчи эмитентлари сифатида ҳукуматлар иштирок этади.
Еврооблигациялар бозоридан маблағлар жалб қилишда халқаро молия институтлари (Жаҳон банки, ЕТТБ) муҳим роль ўйнайди.
Эмитентлар учун еврооблигациялар ривожланган иккиламчи бозори фаолият кўрсатиши муҳим аҳамият касб этади (еврооблигациялар иккиламчи бозори кейинроқ батафсил кўриб чиқилади). Еврооблигациялар кўрсатувчига бериладиган шаклда чиқарилади, бу эса инвесторнинг номи яширин сақланишига хизмат қилади ва унга солиққа тортишдан қочиш имконини беради. Еврооблигациялар бозорида инвесторлар сифатида асосан йирик молиявий институтлар – банклар, инвестиция фондлари, пенсия фондлари иштирок этади.
Жисмоний шахс саналган инвесторларга келадиган бўлсак, ушбу воситалар ҳозирги пайтда фақат жуда бадавлат шахслар томонидан харид қилинади.
Еврооблигациялар бозорида воситачилар бўлиб йирик банклар ва қимматли қоғозлар бўйича компаниялар бирламчи жойлаштиришда андеррайтерлар сифатида ва иккиламчи бозорда мос келувчи ликвидликни қўллаб-қувватлаш мақсадида маркет-мейкерлар сифатида қатнашади.