Республикаси олий ва ўрта махсус таълим вазирлиги

Фонд биржаси

Тарихан илк уюшган молия бозорлари фонд биржалари бўлган. Кириш қисмида биржалар пайдо бўлиши қисқача тарихи келтирилган.

NYSE вужудга келиши

XVIII асрнинг охирида Нью-Йорк брокерлари ҳукумат облигациялари АҚШ Биринчи банкининг акциялари билан битимларни асосан Манхеттеннинг жанубий қисмида жойлашган Wall Street кўчасидаги газакхоналарда амалга оширарди. Керакли сотувчи ёки харидорни топиш учун кўп вақт кетарди. 1792 йилнинг 17 май куни Wall Street кўчаси 64-уй рўпарасидаги чинор дарахти остида 24 та фонд брокери «Чинор остидаги битим» (Buttonwood Tree Agreement)ни имзоладилар ва унда фақат ўзаро савдо қилиш мажбуриятини олдилар. Битим дунёдаги энг йирик ва нуфузли молиявий муассаса – Нью-Йорк фонд биржаси (NYSE) ташкил этилиши учун бошланғич нуқта бўлиб хизмат қилди.
Иттифоқнинг асосий бандлари:
–битимларнинг фақат ўзаро амалга оширилиши;
–1975 йилгача сақланиб келган комиссион тўловлар қайд қилинган ҳажми (2 долл.).
Ҳозирги пайтда NYSE дунёдаги энг йирик биржа ҳисобланади. Нью- Йорк фонд биржаси листингида 2300 дан ортиқ компания (АҚШ ва дунёнинг бошқа кўплаб мамлакатларидан) мавжуд. Фақат Америка компанияларининг умумий капиталлашуви, 2017 йил октябрь ойи маълумотларига кўра, 17,3 трлн долл.ни ташкил қилган.
Фонд биржаси – қимматли қоғозлар бозорининг профессионал қатнашчилари томонидан стандарт молиявий воситалар билан савдо қилиш учун уюшган бозор.


⁹⁷ Финансовые рынки: электронный учебник [для студентов высших учебных заведений, обучающихся по направлению «Экономика» (уровень подготовки–бакалавр)] / подред.С.В.Брюховецкой, Б.Б. Рубцова. − М.: Финансовый университет / кафедра «Финансовые рынки и финансовый инжиниринг», 2013.
Фонд биржаси савдо қатнашчилари, савдо қилинадиган воситалар, инвесторларни ҳимоя қилиш нуқтаи назаридан энг яхши бозор ҳисобланади.

Фонд биржасининг функциялари:

1. 
   доимий фаолият юритадиган бозор яратиш;
   
2. 
   нархларни талаб ва таклиф ёрдамида белгилаш;
   
3. 
   савдо предметлари (молиявий воситалар) ва уларнинг нархи ҳақида ахборот тарқатиш;
   
4. 
   савдо қоидаларини ишлаб чиқиш;
   
5. 
   савдо қатнашчилари профессионализмини қўллаб-қувватлаш;
   
6. 
   фонд бозори ва бутун иқтисодиёт ҳолатини индикациялаш.
   

Биржаларнинг ташкилий-ҳуқуқий шакллари турли мамлакатларда фарқ қилади, улар йиллар давомида ўзгариб келган. Бу хусусий компаниялар, давлат ташкилотлари бўлиши мумкин.
Биржа сессияси деб унинг давомида тузиладиган битимлар биржа орқали расмийлаштириладиган ва ижро этиладиган фонд биржасидаги савдо ўтказиш вақтига айтилади.