Республика илмий-амалий масофавий онлайн конференцияси

1. Юқори интеллектуал иқтидорлилар -бу типга мансуб ўқувчиларни ўқитувчилар тез англай олади ва уларга юқори баҳо беради. Бундай ўқувчиларни мактабда “ақлли”, “эпчил”, “зеҳни ўткир” деб атайдилар, уларни “мактаб умиди” мисолида кўрсатадилар. Бундай ўқувчилар билимлари билан алоҳида кўзга ташланади, қўшимча адабиётлардан фойдаланиш, ўз устида ишлаш орқали билим олишга интилади, баъзида ҳар хил манбаларга танқидий ёндаша олади. Дарс ва дарсдан ташқари материалларни аниқ ва теран таҳлил қила олади, баъзида материалга фалсафий ёндашади.
Интеллектуал типининг ўзига хослиги шундаки, мустақил танқидий фикрлаш, тез ва аниқ фикрлаш, фалсафий тўғри ёндашиш хусусиятларига эга. Бу типга мансуб бўлган ўқувчилар билан ишлаш, ўқитувчидан катта маҳорат, билим ва тажрибани талаб этади.
2. Академик иқтидорлилар – ўқишдаги генийлар, меҳнатда ва мактабдаги ишларнинг ёрқин профессионаллари, тез, мустаҳкам ва сифатли ўзлаштиришнинг моҳир уста-намоёндалари. Аниқ ва гуманитар фанларни ўрганишга мойиллик даражаси юқори.
Диққат, хотира, тафаккур, билиш жараёнлари, мотивациялар яхши ривожланган бўлиб, пухта ўзлаштириш имкониятига эга, яъни ўрганиш улар учун осон, ҳатто ёқимли, билим олиш уларга завқ бахш этади
3. Бадиий-ижодий иқтидорлилик- у бадиий фаолият ҳисобланган мусиқа, хореография, рассомлик санъати, ҳайкалтарошлик ва саҳнага оид фаолиятларда намоён бўлади, муваффақиятлар келтиради. Ўқитувчи шундай қобилиятга эга бўлган ўқувчилар фаолиятини ривожлантириш учун астойдил шуғулланиши лозим.
4. Фаолиятдаги ижодий иқтидорлилик. Мактабда бу тип вакилларининг алоҳида ижодий қобилиятларини кўриш қийин, баъзилари унчалик яхши ўқимаслиги мумкин, бунда бир қатор сабаблар: ўзлаштириш мотивларининг (яъни, улар учун тайёр материални ўзлаштиришдан кўра, ўйлаб топиш осонроқ туюлади) пастлиги кузатилади
Бундай ўқувчиларда чинакам ижодий қобилиятларини кўриш, ижод этиш учун ўзгача мавзулар, алоҳида ижодий топшириқлар ёки тадқиқот лойиҳаларини ўзига хослигини намоён этувчи алоҳида фаолият турларини таклиф этиш лозим. Бажарилган ишларни аниқ баҳолаш учун бир хилликка йўл қўймаслик керак, бунда албатта, ўқитувчининг ўзи кучли билим, малака ва тажрибага эга бўлиши зарур.