Режа: Умумий тушунчалар. Радиоактивлик ҳақида тушунчалар. Радиоктив нурлардан сақланиш

Электромагнит майдонларнинг инсон организмига таъсири. Ҳимоя чораси.
Режа:


1. Умумий тушунчалар. Радиоактивлик ҳақида тушунчалар.
2. Радиоктив нурлардан сақланиш.
3. Радиоактив нурланишлар ва уларнинг хоссалари.
4. Радиоактив нурларнинг организмига таъсири.
5. Радиоактив нурларни нормалаш.
6. Ионловчи нурланиш манбаларидан фойдаланиш.
7 Берк ионловчи нурланиш манбалари ўрнатилган қоидаларда ишлашдаги хавфсизлик чоралари
8. Радиоактив нурланиш ҳимояланиш тадбирлари.
9. Радиоактив нурларни ўлчаш асбоблари.
Таянч сўзлар ва иборалар
Радиация, ўта юқори частотали, бэр, эквивалент,рентген, зиверт,нурланиш, гамма-нурланиш, бетта-нурланиш, рентген-нурланиш, альфа– нурланиш, активлик, биологик таъсир, меъёрлаш, илик, бутун жисм, қалқонсимон безлар, пайлар, ёғ тўқималари, буйрак, қораталоқ, ўпка, кўз қорачиьи, қўллар,қисқа тўлқин, юқори частотли.

Француз физиги А. Беккерел 1896 йил биринчи марта фотопластинканинг қорайишига қараб уран тузининг жисмлар ичига кира олиш хусусиятига эга бўлган кўринмас нурлар чиқаришини аниқлади. Кўп ўтмасдан у ураннинг радиактивлик хоссасига эга бўлишини аниқлади. Кейин бундай хосса торийда борлигини топилди.

1898 йилда Француз олимлари М.Сколодовская-Кюри ва П. Кюри уран минералидан уран ва торийдан ҳам анча кучлирок даражада радиактив элемент Поллоний ва Радий шу йўсинда кашф этилган.
Бу янги топилган элементлар яъни «Радий» элементи «Нурли» маънони беради. Иккинчи элемент «Поллоний» эса Мария Кюри Сколодовская ватани бўлмиш Польша номига берилган.
Бундай таркибдаги кўзга кўринмас нурлар радиактивлик номини олди.
Ер қобиғи таркибида бўлган элементлар орасида тартиб номери 83 дан катта бўлган, яъни Менделеев жадвалида Висмутдан кейин жойлашган элементлар радиоактив бўлади.
Табиатда бир нечта табиий радиоактив элементлар учрайди. Табиий элементлардан ташқари сунъий радиоактив элементлар бор. 1934 йилда француз олимлари Ирен ва Фредрик Жолйо-Кюрилар «Сунъий радиоактивлик ҳодисасини кўзатгандан кейин кашф қилинган». Бундай сунъий радиоактивлик инсоннинг ҳохиши билангина радиоактивлик бўлиши мумкин.