Режа Мавзу бўйича нашр қилинган адабиётларнинг назарий таҳлили ва амалиётдаги муаммолар

4.Хўжалик юритувчи субъектнинг фаолияти, молиявий аҳвол ва ундаги ўзгаришларни таҳлил этишнинг ўзига хос хусусиятлари
Хўжалик юритувчи субъектнинг фаолияти, молиявий аҳвол ва ундаги ўзгаришларни таҳлил этишнинг ўзига хос хусусиятлари молиявий ҳисоботнинг расмий тайёрланиши ва тақдим этилиши билан характерланади.
Иккинчидан, ҳисобот ягона ҳисобланади. Бу икки хусусият умумқабул қилинган таҳлил усулларининг мавжудлигига имкон беради.
Учинчидан, ҳисобот аниқ ҳисобланган кўрсаткичларнинг миқдорий қийматларини, уларни қайта кўриб чиқилмаслик ва ташкилотнинг маълум бир давр мобайнида якуний баҳосини акс эттириш маъносида қаралади.
Тўртинчидан, корхона ҳисоботини корхонанинг ўзи тузади. Шунинг учун у субъектив бўлиб, фойдаланувчилар молиявий ҳолатнинг турли жиҳатлари билан қизиқадилар ва турли мезонлар асосида кўрсаткичларни баҳолайдилар. Кенг чоп этилган, стандарт усуллари кўпроқ инвесторларга қаратилган.
Молиявий ҳисоботдан фойдаланувчилар қабул қиладиган иқтисодий қарорлар хўжалик юритувчи субъектнинг пул маблағларини кўпайтириш, уларнинг кўпайиш вақтини аниқ ҳисоб-китоб қилиш ва натижага эришишга умид қиладиган қобилиятни баҳолашни талаб қилади. Бундай қобилият пировард натижада масалан, хўжалик юритувчи субъект ўз ходимлари ва маҳсулот етказиб берувчиларига ҳақ тўлай оладими, фоизларни тўлаб бера оладими, кредитларни уза оладими ва даромадни (фойдани) тақсимлай оладими ёки йўқми эканини аниқлашга имкон беради.
Фойдаланувчилар пул маблағларини кўпайтириш қобилиятини яхшироқ баҳолайдилар, агар у хўжалик юритувчи субъектнинг молиявий аҳволи, фаолиятини ва молиявий аҳволидаги ўзгаришларни акс эттирадиган ахборот билан тўлиқ ва сифатли таъминланган бўлса.
Молиявий ҳисоботлар молиявий натижаларни ва бошқа хўжалик операцияларини акс эттиради. Уларни молиявий ҳисоботларнинг элементлари деб аталувчи иқтисодий тавсифларига мувофиқ алоҳида моддаларга гуруҳланади.
Активлар, хусусий сармоя ва мажбуриятлар бухгалтерия балансининг хўжалик юритувчи субъектнинг молиявий ҳолатини аниқлаш билан бевосита боғлиқ бўлган элементларидир.
Даромадлар ва харажатлар хўжалик юритувчи субъектнинг фаолият натижалари тўғрисидаги маълумотларни аниқлаш билан бевосита боғлиқ бўлган элементларидир.
Пул оқимларининг харакати тўғрисидаги маълумотлар фаолият натижалари ва бухгалтерия баланси элементларидаги ўзгаришлар тўғрисидаги ҳисоботнинг элементларидир.