Режа Мавзу бўйича нашр қилинган адабиётларнинг назарий таҳлили ва амалиётдаги муаммолар

2-жадвал
Молиявий ҳисобот таҳлилининг муҳим жиҳатлари

Муҳим белгилари	Мазмуни
Инвестиция қарорларини қабул қилишга баҳо беришда таҳлилнинг аҳамияти	хўжалик юритувчи субъект назорати остидаги активларни баҳолаш (нақд пул маблағи тушумларининг ёки бошқа иқтисодий манфаатларнинг манбаи бўлган активларни баҳолаш); хўжалик юритувчи субъектнинг (пул маблағларининг эҳтимол тутилган камайиши ёки бошқа иқтисодий манфаат манбалари бўлган) мажбуриятларини баҳолаш; хўжалик юритувчи субъектнинг иқтисодий ресурсларига (субъект эгаларининг бадаллари ва мулк эгаларига тўловлардан ташқари) ўзгартиш киритадиган тақсимланмаган фойдасини баҳолаш; пул маблағининг харакатини (келгусида пул оқимларининг эҳтимол тутилган харакат кўрсаткичларини) баҳолаш; хўжалик юритувчи субъектнинг дивидендлар ва фоизларни тўлаш, шунингдек мажбуриятлар бўйича ўз вақтида ҳисоб-китоб қилиш имкониятларини баҳолаш.
Кредитлар беришга доир қарорларни қабул қилишда таҳлилнинг аҳамияти	молиявий аҳвол ҳақидаги ахборот келгусида кредитларга бўлган эҳтиёжни аниқлаш учун, шунингдек келадиган даромадлар билан пул оқимларини хўжалик юритувчи субъектнинг кейинчалик ўзининг молиявий аҳволини қанчалик муваффақият билан яхшилай олишини баҳолаш; хўжалик юритувчи субъектнинг молиявий мажбуриятларини ўз вақтида тўлай олиши юзасидан ликвидлик ва тўловга қобилияти кўрсаткичларига баҳо бериш.
Хўжалик юритувчи субъектнинг бўлғуси пул оқимига баҳо беришда таҳлилнинг аҳамияти	хўжалик юритувчи субъектнинг пул маблағларини кўпайтириш, уларнинг кўпайиш вақтини ҳисоб-китоб қилиш ва натижага эришишга умид қилишдаги қобилиятини баҳолаш; пул маблағларини ва уларнинг эквивалентини кўпайтириш имкониятини прогнозлаш.
Хўжалик юритувчи субъектга ишониб топширилган ресурсларга ва унинг мажбуриятла-рига баҳо беришда таҳлилнинг аҳамияти	хўжалик юритувчи субъект назорат қилиб турадиган иқтисодий ресурслар, унинг молиявий тузилмаси, ликвидлиги, тўловга қобилияти, ишлаётган муҳит ўзгаришларига муносабат билдира олишини баҳолаш; иқтисодий ресурслардаги потенциал ўзгаришларни баҳолаш юзасидан хўжалик юритувчи субъектнинг фаолият кўрсаткичлари, унинг рентабеллигига баҳо бериш.
Раҳбар органларнинг ишига баҳо беришда молиявий ҳисобот таҳлилининг аҳамияти	молиявий ҳисоботлар, шунингдек хўжалик юритувчи субъектнинг раҳбарияти томонидан ресурсларни бошқариш натижаларига баҳо бериш; хўжалик субъектининг молиявий аҳволи, фаолияти, молиявий аҳволидаги ўзгаришлар тўғрисидаги ахборотни шакллантириш; субъектлар томонидан қабул қиладиган иқтисодий қарорларни асослаш.