Reja: Kirish Investitsiya loyihalari samaradorligini tahlil etishning asosiy yo’nalishlari 2

Investitsiya loyihalari samaradorligini tahlil etishning asosiy yo’nalishlari

Investitsiya loyihalarini moliyaviy tahlil etish ularning samardorligini ochib berishda markaziy o’rinni egallaydi. Moliyaviy tahlil loyihadan keladigan samara uning har bir ishtirokchilarining o’z maqsadlaridan kelib chiqib, loyihani amalga oshirishdagi erishilishi lozim bo’lgan natijalarni qo’lga kiritish imkoniyatlarini ochib beradi.
Loyiha tahlili uslubiyoti investitsiya loyihalarini amalga oshirish ehtimoli jihatidan ularni identifikatsiyalash, tekshirish, batafsil ko’rib chiqish, ma’qullash va kompleks ekspertizadan o’tkazish bosqichlarini nazarda tutadi. Kompleks ekspertiza loyiha mahsulotlariga erishish imkoniyatlarini izlashga, loyihani cheklangan resurslar bilan belgilangan vaqt mobaynida (zamonda) va makonda ta’minlash, shuningdek tegishli texnik vazifalarni hal qilishga qaratiladi.
Investitsiya loyihasini kompleks ekspertizasidan o’tkazishning asosiy maqsadi loyihani amalga oshirishning maqsadga muvofiqligi – hayotiyligi, samaradorligi, raqobatdarboshligi, daromadliligini o’rganish va aniqlashdan iborat. Shunga muvofiq holda investitsiya loyihasini kompleks ekspertizasidan o’tkazishdagi asosiy vazifalar quyidagilardan iboratdir:
- investitsiya loyihasini kompleks ekspertizadan o’tkazish rejasi va muddatini ishlab chiqish;
- investitsiya loyihasini kompleks ekspertizadan o’tkazish rejasi – grafigiga amal
qilinishini ta’minlash;
- investitsiya loyihasining riskka ta’sirchanligini o’rganish va aniqlash;
- moliyaviy-iqtisodiy, ijtimoiy samaradorligini aniqlash;
- investitsiya loyihasining ekologik tahlilini va ta’sirini o’rganish;
- investitsiya loyihasining raqobatdardoshligi vva hayotiyligini o’rganish va aniqash va sh.k.
Loyiha ekspertizasida uni tadbiq etilishining asoslari yaratiladi. Ekspertizaning vazifasi jami ijobiy va salbiy oqibatlarni hisobga olgan holda loyihaga baho berishdan hamda tanlovdan iborat bo’ladi .Ekspertiza loyihaning bir necha muhim jihatlarini tahlil qilishni qamrab oladi.Investitsiya loyihasi ekspertizasining texnik jihati g’oyat muhim, chunki loyiha muvozanatlangan muhandislik va texnik tamoyillarga asoslanmog’i lozim. Ekspertizaning bu bosqichida loyihaning tadbiq etish jarayonlari, loyiha uchun etkazib beriladigan materiallar, uskuna-jihozlar va texnika tizimlarining ishonchliligi; loyihani joylashtirish o’rnining, loyiha uchun zarur bo’lgan resurslarning mavjudligi va sifati, shu jumladan, ishchi kuchi va rahbar kadrlarning malakasi, loyiha foydalanadigan mavjud infra-tuzilmaning ishonchliligi; kontraktlar tuzish tartib-qoidalari va mexanizmlari, ishlab chiqarish quvvatlari, xizmatlarni sotib olish usullari; loyihani amalga oshirish jadvali muddatlari, fazalari va bajarish mumkinligi, natijalar olish fazalari tahlil qilinadi.
Texnik ekspertizani o’tkazishda loyihada foydalaniladigan texnologiyaga alohida e’tibor berish kerak, bu esa o’z navbatida zamonaviy texnologiyalar to’g’risida axborotni yig’ish usullarini izlashni talab etadi.
Oʼzbekiston Respublikasi Prezidenti Farmonlari va Vazirlar Maxkamasining qarorlarida mahsulot ishlab chiqarish, xizmatlar koʼrsatish boʼyicha bir qator imtiyozlar berilib borilmoqda. Shuningdek bugungi kunning dolzarb vazifalaridan biri tadbirkorlik sohasini ishlab chiqarish, xizmat koʼrsatish faoliyatlarini yaxshilash borasida hukumatning dasturlari va vazifalari belgilanmoqda. Yakka tartibdagi tadbirkor hozirda maqsadi oʼzining ichki imkoniyatlaridan foydalangan holda ishlab chiqarish faoliyatini kengaytirish, ayollar xalati ishlab chiqarishni tashkil qilishni rejalashtirgan.
Loyihaning maqsadi: Buxoro viloyati, Shofirkon tumanida faoliyat ko‘rsatayotgan o‘z mablag‘lari hamda bank krediti hisobidan ajratiladigan mablag‘larni o‘z vaqtida qaytarish sharti bilan “Hamkorbank” Buxoro viloyati filiali resursi hisobidan kredit olib Og‘ir yuk tashish xizmatini tashkil etib, korxona ushbu faoliyatni yanada rivojlantirishni o‘z oldiga maqsad qilib olgan.