Режа: Кириш. Боб. Иктисодиётни модернизациялаш шароити

3-расм ЯИМ ўсиши прогнози (асосий) (фоизда, реал йиллик ўсиш)
4-расм Инфляция прогнози (асосий) (фоизда, йиллик давр охирига)

Асосий сценарийда кўзда тутилган шароитлар юз берган ҳолатда иқтисодиётни кредитлаш ҳажмлари ўсиш суръатларининг ялпи ички маҳсулот номинал ҳажмининг ўсиш суръатларига мутаносиб равишда 20-25 фоиз атрофида (валюта курси ўзгаришларини ҳисобга олмаганда) бўлиши таъминланади.
Бунда, пул-кредит шароитлари билан биргаликда макропруденциал чоралардан ҳам самарали фойдаланилади ва пруденциал инструментлар қатори кенгайтирилиб, такомиллаштириб борилади. Пруденциал чораларни қўллашда кредитлаш бозорида шаклланган ҳолат ва молиявий барқарорликни таъминлаш мақсадларидан келиб чиқилади.
Ушбу сценарийда операцион мақсаддан келиб чиқиб, яъни банклараро пул бозоридаги фоиз ставкалари Марказий банкнинг асосий ставкасига яқин даражада (фоиз коридори доирасида) шаклланиши учун пул-кредит инструментларидан фаол фойдаланилади.
Марказий банк 2020 йилдан бошлаб инфляцион таргетлаш режимига ўтишни жадаллаштириш борасидаги пул-кредит сиёсати операцион механизмини инфляцион таргетлаш стандартларига мослаштириш доирасида операцион механизмни бутунлай қайтадан кўриб чиқади ва янгилайди.
Пул бозоридаги фоиз ставкаларини тартибга солишда ва уларнинг Марказий банк асосий фоиз ставкаси коридори оралиғида бўлишини таъминлашда инструментлар гуруҳи танлаб олинади. Ликвидлик даражасининг профицити шаклланган ҳолатларда асосий инструментлар Марказий банкнинг аукцион шаклида ўтказиладиган икки ҳафталик депозит операциялари бўлади. Дастлабки ҳисобларга кўра, ушбу опе- рацияларнинг ойлик ҳажми 400-500 млрд. сўм атрофида баҳоланмоқда. Ушбу миқдордаги операциялар ҳар ҳафта доимий асосда ўтказиб борилади.
Алоҳида ҳолатларда ликвидликни узоқроқ муддатга жалб қилиш учун иқтисодий асослар шаклланган вазиятда Марказий банк облигациялари муомалага чиқарилиши мумкин. 2020 йил учун чиқарилиши мўлжалланаётган облигациялар ҳажми 1-1,5 трлн. сўм атрофида баҳоланмоқда.
Шунингдек, пул бозори фоиз став- каларидаги қисқа муддатли тебранишларнинг олдини олиш, уларнинг фоиз коридори доирасида шаклланиши ва банклараро тўлов тизимининг узлуксиз ишлашини таъминлаш мақсадида доимий тусдаги бир кунлик овернайт депозитлар ва кредитлар бўйича операциялар ҳам доимий равишда ўтказиб борилади.
Ўз навбатида, ушбу операциялар бўйича фоиз миқдорлари асосий фоиз ставкаси коридорининг юқори ва қуйи чегараси доирасида ўрнатилиб, пул бозоридаги фоиз ставкаларининг шу коридор оралиғида шаклланишига хизмат қилади.
Шунингдек, Марказий банкнинг ички валюта бозоридаги операциялари монетар олтинни харид қилиш натижасида вужудга келган ортиқча ликвидликни стерилизация қилиш мақсадларида амалга ошириб борилади. Бунда, валюта бозорининг такомиллаштирилиши билан ушбу интер- венцияларни ўтказиш амалиёти ўзгартириб борилади.
Таъкидлаш лозимки, давлат ва хусусий секторнинг ташқи қарзи миқдори сезиларли даражада ошиб бориши ўрта ва узоқ муддатли истиқболда ташқи қарзга хизмат қилиш мақсадида ички валюта бозорида қўшимча талабни вужудга келтириши мумкин. Бунда, келгусида ушбу омилларнинг валюта курсига девальвацион таъсирининг олдини олиш мақсадида Марказий банк амалдаги интервенциялари стратегиясига ўзгартириш киритилиши мумкин.
Бунда, ички валюта бозоридаги интер- венцияларни амалга ошириш ҳажмлари маълум миқдорда қисқартирилиб, олтин- валюта захиралари ошишига имконият яратилади. Интервенциялар миқдорининг камайиши ҳисобига стерилизация қилинмай қолган қўшимча ликвидлик бошқа пул-кредит инструментлари билан стерилизация қилиб борилади.

2020 йилда инфляцияга таъсир этувчи омиллар

Юқорида таъкидланганидек, келгуси йилларда инфляция даражаси монетар, фискал ва номонетар омиллар таъсирида шаклланади.
Ҳисоб-китобларга кўра, 2020 йилда инфляциянинг монетар ва фискал омиллари таъсири асосан пасайтирувчи хусусиятга эга бўлиши кутилмоқда.