Режа: Кириш. Боб. Иктисодиётни модернизациялаш шароити

Ички шароитларнинг учинчи шарти сифатида тартибга солинадиган нархларни эркинлаштириш жараёнларининг самарали амалга оширилиши назарда тутилган. Ёқилғи- энергетика маҳсулотлари нархлари эркин- лаштирилиши доирасида тартибга со- линадиган нархлар ва тарифларнинг ошиши инфляцион босим юзага келишининг объектив омилидир. Ушбу нархларни ишлаб чиқариш таннархи даражасига мослаштириш ша- роитида кейинги йилларда ҳам энергия ресурслари нархларининг инфляцияга босими сақланиб қолади.
Айни пайтда нархларни эркинлаштириш жараёнининг кечиктирилиши инфляцион кутилмаларнинг доимий юқори даражада сақланиб қолишига олиб келади ва мазкур ислоҳот самарадорлигини пасайтиради. Ўз навбатида, инфляция даражаси юқорилиги ва миллий валюта қадрсизланишининг тез- лашиши реал нархларнинг ишлаб чиқариш таннархи даражасига кўтарилишига тўсқинлик қилади, бу эса, ўз навбатида, ушбу соҳаларнинг потенциал сармоядорлар учун жозибадорлигини пасайтиради.
Табиий монополияларнинг нархлари динамикаси истеъмол саватидаги аксарият маҳсулот ва хизматлар нархларига таъсир кўрсатади. Бундай вазиятда, тартибга солинадиган нархларни таннарх даражасига тезроқ етказиб, келгусида инфляция таргетидан ошмаган даражада ин- дексациялаш мақбул ечим ҳисобланади. Бунда, ўрта муддатли истиқболда истеъмол нархлари ўсиш суръатлари инфляциянинг мақсадли кўрсаткичидан юқорилаб кетмаслиги муҳим аҳамият касб этади.
Шу билан бирга, тартибга солинадиган нархларни индексация қилиш тартибини меъёрий ҳужжатлар билан белгилаш, инфляциянинг мақсадли кўрсаткичларини ҳисобга олган ҳолда ўрта муддатли истиқболда тартибга солинадиган нархларни ошириш сана ва муддатларининг эълон қилиниши ҳамда нархларни эркинлаштириш ислоҳотининг моҳияти, мақсади ва бу борада эришилган натижаларни тушунтириш бўйича кенг кўламли коммуникацион сиёсатнинг олиб борилиши иқтисодиётда инфляцион кутил- маларни пасайтиришга ёрдам беради.

Тўлов баланси

Инфляцион таргетлашга ўтиш даврида қатъий пул-кредит сиёсатининг юритилиши ва фискал баланс тақчиллигининг мини- маллашуви жараёнида барқарор иқтисодий ўсиш суръатларини таъминлашда хусусий ва хорижий инвестициялар муҳим аҳамият касб этади.
Прогноз қилинаётган йилларда ҳам дастлабки ҳисоб-китобларга кўра тўлов баланси таркибида жорий ҳисоблар балансининг манфий сальдоси сақланиб қолади. Хусусан, 2020-2022 йилларда жорий ҳисоблар балансининг манфий сальдоси ЯИМга нисбатан 6-7 фоизни ташкил қилиши кутилмоқда. Ушбу тақчилликнинг асосан ташқи молиявий ресурслар (инвестициялар ва қарзлар) ҳисобидан қопланиши валюта курсига кескин девальвацион босим юзага келтирмаслиги тахмин қилинмоқда.