Режа: Кириш. Боб. Иктисодиётни модернизациялаш шароити

Миллий валютада ва узоқ муддатли жамғаришни рағбатлантириш мақсадида иқтисодиётда реал фоиз ставкаларининг ижобий даражада шаклланишига шароит яратилади.
Шунингдек, ташқи таъсирларнинг банк тизими молиявий барқарорлигига салбий таъсирини минималлаштириш мақсадида макропруденциал сиёсатнинг хатарларни чекловчи чоралари қўлланилади.

3. Пул-кредит сиёсатини юритишнинг ташқи ва ички шароитлари.

Глобал иқтисодий ўсиш

Жаҳон иқтисодиётида 2018 йилнинг иккинчи чорагида бошланган иқтисодий фаолликнинг пасайиши 2019 йилда ҳам давом этди. Ўтган давр мобайнида ўсиш суръатларидаги пасайиш «Brexit» атрофидаги ноаниқликларнинг сақланиб қолиши, дунёнинг етакчи иқтисодиётлари ўртасидаги савдо кескинлигининг кучайиши ҳамда товар- хомашё ва молия бозорларидаги ўзга- рувчанлик натижасида юзага келди.
Натижада Халқаро Валюта Жамғармаси (ХВЖ) глобал иқтисодий ўсиш прогноз кўрсаткичини 2019 йил учун 3 фоизгача қайта кўриб чиқди ва бу 2009 йилдан бери энг паст кўрсаткич (2019 йил апрель ойидаги прогнозга нисбатан 0,3 фоиз бандга пастроқ) ҳисоб- ланади. 2020 йилда эса глобал иқтисодий ўсиш 3,4 фоизгача тикланиши прогноз қилинмоқда (2019 йил апрель ойидаги прогнозга нисбатан 0,2 фоиз бандга пастроқ).
2020 йилларда ўсиш суръати ривожланган ҳамда ривожланаётган иқтисодиётлар учун гуруҳлар кесимида мос равишда 1,7 ва 3,9-4,6 фоизлар оралиғида бўлиши прогноз қилинмоқда.
2019 йилда глобал иқтисодий ўсиш пасайишининг деярли ярми Лотин Америкаси ва Яқин Шарқ давлатларида макроиқтисодий шароитнинг ёмонлашиши ҳисобига содир бўлди. Шу билан бирга, 2020 йилда иқтисодий ўсишдаги тикланишнинг 70 фоизи ушбу иқтисодиётлар ва бошқа айрим давлатларга, шу жумладан, Ўзбекистоннинг асосий савдо ҳамкори – Россия Федерацияси ҳиссасига тўғри келиши башорат қилинмоқда.
2020 йилда глобал иқтисодий ўсиш бўйича прогнознинг пасайиши импорт тарифларининг навбатдаги ошиши билан изоҳланади (2019 йил декабрь ойига келиб AҚШда Хитой маҳсулотларига нисбатан ўртача тариф ставкаси 24 фоизгача ошиши кутилаётган бўлса, Хитойда ушбу кўрсаткич 26 фоизгача кўтарилади) ва бу, ўз навбатида, халқаро савдо ҳажмларининг пасайиши ва иқтисодий фаолликнинг сустлашувига олиб келади.