Режа: Кириш. Боб. Иктисодиётни модернизациялаш шароити

5-расм
2019йилдава2020йилдаиқтисодиётдакутилаётганинфляциономиллар

Хусусан, иқтисодиётнинг кредитлаш ҳажмлари ўсиши 2019 йил охирига қадар 44 фоизни ташкил этиши инфляцияга оширувчи таъсир кўрсатаётган бўлса, 2020 йилда кредитлар ўсишининг ЯИМ номинал ҳажми ўсиши доирасида бўлиши инфляцияга қўшимча босимни вужудга келтирмайди.
Давлат бюджети харажатларининг (Тикланиш ва тараққиёт жамғармаси ҳисобга олинмаган) 2019 йилда 34 фоизга ошиши инфляцияни ошириш характерига эга бўлса, 2020 йилда давлат бюджетининг харажатлари тасдиқланган параметрлар доирасида бўлиши инфляцияга жиловловчи таъсир кўрсатади.
Келгуси йилда алмашув курси шаклланишига сезиларли даражада таъсир этувчи ва унинг кескин девальвациясига сабаб бўлувчи фундаментал омилларнинг кузатилмаслиги тахмин қилинмоқда. Шу нуқтаи назардан, алмашув курси ўзгаришининг инфляцияга таъсири 2019 йилдагига нисбатан кам бўлиши кўзда тутилмоқда.
2020 йилда инфляциянинг номонетар омиллари таъсири икки хил йўналишда бўлиши ва умуман олганда 2019 йилдагига нисбатан паст даражада бўлиши прогноз қилинмоқда.
Хусусан, тартибга солинадиган нарх- ларнинг босқичма-босқич оширилиши шароитида уларнинг инфляция даражасига таъсири сақланиб қолади ва оширувчи хусусият касб этади.
Логистика хизматлари, улгуржи савдо ва товарларни сақлаш инфратузилмаси сифатини ошириш, саноат совуткичлари сонини кўпайтириш ва қишлоқ хўжалиги маҳ- сулотлари етиштириш самарадорлигини ошириш борасида амалга оширилаётган чора-тадбирлар натижасида 2020 йилда озиқ-овқат товарлари нархлари ўзга- ришининг 2019 йилга нисбатан бир оз секинлашиши кутилмоқда.
Шунингдек, солиқ ва божхона тарифлари қайта кўриб чиқилиши инфляцияга турли йўналишли таъсирга эга бўлиши мумкин. Бу, ўз навбатида, солиқ ва божхона сиёсатида олиб бориладиган чора-тадбирларнинг самара- дорлиги билан узвий боғлиқ бўлади.