Режа: Ислом вужудга келган даврда Арабистон ярим оролидаги ижтимоий ва диний ҳолати шарт- шароитлари

Мавзу: Ислом дини, унинг асосий оқимлари ва йўналишлари.
Режа:
1.Ислом вужудга келган даврда Арабистон ярим оролидаги ижтимоий ва диний ҳолати шарт- шароитлари.
2.Мухаммад алайхиссаломнинг ҳаёти, пайғамбарлик фаолиятининг бошланиши. Ислом дини Макка ва Мадина даври.
3.Исломдаги асосий оқимлар ва мазхаблар.
4.Исломнинг асосий манбалари. Қуръон. Хадислар.


Ислом вужудга келган даврда Арабистон ярим оролидаги ижтимоий ва диний ҳолати шарт- шароитлари.
Ислом - дунёда кенг таркалган монотеистик динлардан бири. Бугунги кунда ислом динига эътиқод қилувчилар сони тахминан 1,5 миллардга якин кишини ташкил қилади ва улар дунёнинг 120 дан ортиқ мамлакатларида яшайдилар.
Исломнинг вужудга келишини тахлил этиш уша тарихий давр хусусиятлари, араб қабилалари ўртасида хукмрон бўлган ижтимоий-иктисодий муносабатлар ва уларнинг диний-ғоявий хаёти билан қискача танишиб чиқишни тақозо этади.
Арабистон ярим ороли иқлим шароити ноқулай, қумли саҳролар ва тоғлардан иборат булиб, ахолиси V-VII асрларда асосан чорвачилик билан шуғулланар эди.
Макка савдо маркази сифатида катта аҳамиятга эга булиб, атрофдаги қабилаларга бошқа шахарларга нисбатан таъсири кучлироқ эди. Араб қабилалари ўртасида Макканинг диний марказ сифатида ҳам роли анча катта эди.
Каъба_ибодатхона'>Маккада Каъба ибодатхонасида, турли араб қабилаларининг 360 худоси санамлари мавжуд булганлиги туфайли бу шахар уз атрофида яшовчи куп қабилалар учун эътиқод марказига айланган эди.
Каъба - ислом дининг энг муқаддас ибодатхонаси, яъни «Оллохнинг уйи» («Байтуллох») деб ном олган.
V-VI асрларда араб кабилалари ўртасида уруғ қабилачилик тузуми емирила бошлади, ибтидоий диний тасаввурлар таназзулга юз тутди. Қабилалар Ўртасида марказлашишга бўлган интилишнинг ғоявий инъиқоси сифатида якка худоликка хос диний ақидалар шакллана бошлади. Якка худолик тўғрисидаги бундай диний таълимот исломдагина шаклланган эмас, балки ислом пайдо бўлмасдан бирмунча вакт илгари Арабистоннинг айрим районларида тарғиб қилина бошланган эди.