Reja: Alkaloid tushunchasini tahlili

Boshqa turdagi alkaloidlar. Alkaloidlarning turlari juda ham ko’p. Bioorganik kimyo kursida rejalashtirilgan vaqtga ular to’g’risida to’liq ma’lum otni sig’dirib bo’lmaydi. Yuqorida eng keng tarqalgan va nazariy va amaliy ahmiyatga ega bo’lgan vakillari tahlil qilindi. Ammo soni kam bo’lsada katta ahamiyatga ega bo’lgan alkaloidlar guruhlari mavjud. Ularning bir qismi haqida qisqacha ma’lumot berib o’tmoqchimiz.

Steroid alkaloidlari. Steroid skeletini tutgan va o’xshash alkaloidlar bir qator Solanaceae, Apocynaceae kabi o’simlik oilalarida glikozid shaklida uchraydi. Ular gidroliz natitjasida qand qoldig’i va aglikonga parchalanadi. Quyida misol uchun solasodin alkaloidi keltirilgan. U progesteron va kortikosteroidlar olinishida manba sifatida ishlatiladi. Samandarin alkaloidi Janubiy Amerikaning kaltakesak (salamandra)laridan ajrtib olinadi.