Реферат сурункали ўпка обструктив касалликлари тузувчилар

ДАВОЛАШ МУАССАСАСИДАН ТАШҚАРИДА КЕЛИБ ЧИҚҚАН ПНЕВМОНИЯ
ДАВОЛАШ МУАССАСАСИДАН ТАШҚАРИДА КЕЛИБ ЧИҚҚАН ПНЕВМОНИЯ (АП) – даволаш муассасидан ташқари шароитда келиб чиқувчи, қуйи нафас йўллари инфекцияси симптомлпри (иситма, йўтал, балғамни ажралиши, йирингли бўлиши хам мумкинлиги, кўкрак сохасидаги оғриқлар, хансираш) ва ўпкадаги яқинда келиб чиққан ўчоқли – инфильтратив ўзгаришларнинг рентгенологик аломатлари билан (муъян бир ташхисий альтернативлар бўлмаган чоғда) ифодаланувчи ўткир касалликдир.
Касалхонага тушгандан 48 соат ва ундан ортиқ вақт ўтиб чиққан пневмонияни касалхона ички (нозокомиал) пневмония деб аталади ва у даволаш муассасида резистентли микрофлора бўлишлиги боис келиб чиқади. Юқори ўлим суръати билан характерланади.
10-ХКК-J15.0. Klebsiella pneumonia билан чақирилган пневмония
J15.1. Pseudomonas (яшил таёқчали таёқча) чақирган пневмония
J15.2. Стафилакокк билан чақирилган пневмония
J15.3. В гурухига мансуб стрептококк билан чақирилган пневмония
J15.4. Бошқа стрептококклар билан чақирилган пневмония
J15.7. Mycoplasma pneumonia билан чақирилган пневмония
J15.8. Бошқа бактериал пневмониялар
J15.9. Табиати очилмаган пневмония
J16.0. Хламидиялар билан чақирилган пневмония
J17.1. Вирусли касалликларда, бошқа рубрикада таснифланган ва х.к.да келиб чиққан пневмония.
Эпидемиологияси
Пневмония нисбатан кўп тарқалган ўткир юқумли касалликлар қаторига киритилади.
АП билан касалланиш ёш ва ўрта яшар ахоли орасида 0.1 – 1.16% ўртасида, катта ёш гурухларида бўлса (65 ёш ва ундан ортиқ) – 2.5 – 4.4% орасида тебраниш билан ифодаланиб аниқланади.
Ёш ва ўрта ёш гурухига мансуб шахсларда, қардош касалликлар бўлмаган тақдирда, АП да ўлим энг кам суръатлар билан (1-3%) содир бўлади. Катта ёш гурухига мансуб мижозларда қардош касалликлар бўлган тақдирда (СЎОК, ёмон сифатли ўсмалар, алкоголизм, қандли диабет, буйраклар ва жигар касаллиги, юрак-қон томир касалликлари ва бошқа касалликлар) хамда пневмонияни оғир кечиши холатларида ушбу кўрсаткич 15-30%га етади.