Referat jumíSÍ Tema: Tayarlaǵan D. Muftullaeva

Cifrlı-analog ózgertiriw aspektleri. Cifrlı-analog modulyaciyanıń anıq metodların talqılawdan aldın, biz eki tiykarǵı mashqalanı analizlep shıǵıwımız kerek: bit hám bod uzatıw tezlikleri hám de tasıwshı signal.

Maǵlıwmatlar elementin signal elementi menen salıstırıw. Aldınǵı sabaqlarda biz maǵlıwmatlar elementi hám signal elementi koncepciyasın talqılaǵan edik. Biz maǵlıwmatlar elementin informaciyanıń eń kishi bólegi, yaǵnıy bit sıyaqlı táriyplegen (anıqlaǵan) edik. Hám de biz turaqlı esaplanǵan signal elementin signaldıń kishi birligi sıyaqlı táriyplegen edik. Eger bul atamalardı isletiwdi dawam etsek te, biraq biz analog uzatıwǵa salıstırǵanda signal elementi xarakteri parıq etiwin kóremiz.
Maǵlıwmatlar uzatıw tezligin signal tezligi menen salıstırıw. Bizler maǵlıwmatlar uzatıw tezligi (bit tezligi) hám signal uzatıw tezligin (signal tezligi) cifrlı uzatıwdaǵı sıyaqlı anıqlawımız múmkin. Olar arasındaǵı koefficient tómendegishe:


S = N x (1/r) baud (bod)


Ótkeriw polosası. Cifrlı maǵlıwmatlardı analog uzatıw ushın talap etiletuǵın ótkeriw polosası signal tezligine proporcional bolıp tabıladı, biraq FSK metodınan tısqarı. Bunda tasıwshı signallar arasındaǵı farıqtı qosıw kerek. Biz hár bir metod ushın ótkeriw polosasın talqılaymız.
Tasıwshı signal. Analog uzatıwda uzatıwshı qurılma informaciya signalı
ushın tiykar bolıp xızmet etetuǵın joqarı jiyilikli signaldı jaratadı. Bul tayansh signal tasıwshı signal yamasa tasıwshı jiyilik dep ataladı. Qabıl qılıwshı qurılma uzatıwshıdan kutilip atırǵan tasıwshı signal jiyiligine sazlanǵan (sáykeslengen). Sońınan cifrlı informaciya bir yamasa bir qansha xarakteristikalardı (amplituda, jiyilik yamasa faza) ózgertirgen halda tasıwshı signaldı ózgertiredi. Bunday modifikaciya modulyaciya (jılısıw manipulyatcıyası ) dep ataladı.


ASK, FSK, PSK hám QPSK manipulyaciya metodları


Amplitudalıq modulyaciya (ASK – Amplitude Shift Keying) Amplitudalıq modulyaciyada tasıwshı signal amplitudası signal elementlerin jaratıw ushın ózgeredi. Amplituda ózgergende jiyilik hám faza ózgermeydi.
Ekilik ASK (BASK – Binary ASK). Biz signal elementleriniń hár túrli amplitudadaǵı bir neshe qáddilerine (túrleri) iye bolsaq ta, ádette ASK tek eki qáddini paydalanǵan jaǵdayda ámelge asırıladı. Bul ekilik amplitudalıq modulyaciya yamasa jaǵıw/qosıw túymesi (OOK – on-off keying) dep ataladı. Signal bir qáddi amplituda shıńı 0 ge teń, basqası tasıwshı jiyilik amplitudası sıyaqlı boladı. 9.3-súwrette ekilik ASK konceptual kórinisi keltirilgen.