Referat jumíSÍ Tema: Tayarlaǵan D. Muftullaeva

Á melge asırıw (realizaciya). Ámelge asırıwda turǵan ápiwayı ideyalar bizge koncepciyanı jaqsı túsiniwde járdem beriwi múmkin. 9.4-súwret bizge ekilik ASK metodınıń ápıwayı ámelge asırılıwın kórsetedi.

Eger cifrlı maǵlıwmatlar joqarı 1 V hám pás 0 V kernewge iye unipolyar cifrlı NRZ signal kórinisinde súwretlengen bolsa, cifrlı NRZ signaldı generatordan keliwshi tasıwshı signalǵa kóbeytiw jolına erisiw menen ámelge asırılıwı múmkin.

Eger NRZ signalı amplitudası 1 ge teń bolǵanda, tasıwshı jiyilik amplitudası saqlanadı. Hámde NRZ signalı amplitudası 0 ge teń bolǵanda, tasıwshı jiyilik amplitudası 0 ge teń boladı.
2. Jiyilikli modulyaciya (FSK – Frequency Shift Keying).

Jiyilikli modulyaciyada tasıwshı signal jiyilik maǵlıwmatlardı usınıw ushın ózgeredi. Modulyaciyalanǵan signal jiyiligi bir signal elementi dawamlılıǵı ushın turaqlı esaplanadı, biraq, eger maǵlıwmatlar elementi ózgerse, ol jaǵdayda náwbettegi signal elementi ushın jiyilik ózgeredi. Amplituda sıyaql ı faza shıńı da barlıq signal elementleri ushın ózgerissiz qaladı.

Ekilik FSK (BFSK – Binary FSK). Ekilik FSK (yamasa BFSK) haqqında oylaw usıllarınan biri – bul eki tasıwshı jiyiliklerdi kórip shıǵıwdan ibarat. 9.5-súwrette biz eki tasıwshı jiyilikti tańladıq: f1 hám f2. Eger maǵlıwmatlar elementi 0 bolsa, biz birinshi tasıwshını isletemiz hámde eger maǵlıwmatlar elementi 1 bolsa, biz ekinshi tasıwshını isletemiz. Biraq itibar beriń, bul tek kórsetiw maqsetinde isletiletuǵın realistik bolmaǵan mısal bolıp tabıladı. Ádette tasıwshı jiyilikler júdá
úlken, hámde olar arasındaǵı parq júdá kishi.

9.5-súwrette kórsetilgenindey, ortasha polosa keńligi f1ge teń, basqası f2ge teń. Eki polosa ortasındaǵı aralıqtan tısqarı eki f1hám f2 jiyilikleri parqı Δf esaplanadı. Eki jiyilik ortasındaǵı parq bolsa 2Δfke teń.

Ámelge asırıw. BFSK eki túrli ámelge asırılıwı múmkin: kogerentli emes hám kogerentli. Kogerentli emes BFSK da bir signal elementi tamamlanıp, náwbettegi baslanǵan waqıtta fazada úzilis (bos orın) bolıwı múmkin. Kogerentli BFSK da faza eki signal elementleri shegarası arqalı dawam etedi. BFSK nı eki tasıwshı jiyilikti isletiwshi hám eki ASK-modulyaciya sıyaqlı qayta islew jolı menen kogerentli emes BFSK ámelge asırılıwı múmkin. Kogerentli BFSK bolsa bir kernewlilikli basqarılıwshı generatordı (VCO – voltage-controlled oscillator) isletiw menen ámelge asırılıwı múmkin. Ol óz gezeginde kiriwshi kernewlilikke muwapıq óz jiyiligin ózgertedi. 9.6-súwrette ekinshi ámelge asırıwdıń ápiwayılastırılǵan ideyası kórsetilgen. Generator kiriwshi signalı unipolyar NRZ signal esaplanadı. NRZ amplitudası 0 ge teń bolǵanda, generator óziniń turaqlı jiyiligin saqlaydı. Eger amplituda oń bolsa ol jaǵdayda ji yilik artadı.