Referat jumíSÍ Tema: Tayarlaǵan D. Muftullaeva

3. Fazalıq modulyaciya (PSK – Phase Shift Keying). Fazalıq
modulyaciyada tasıwshı signal fazası eki yamasa onnanda kóp hár túrli signal elementlerin usınıw ushın ózgeredi. Faza ózgeriwi menen amplituda s ıyaqlı jiyilikte ózgerissiz qaladı. Búgingi kúnde ASK hám FSK metodlarına salıstırǵanda PSK keń tarqalǵan. Biraq bizler keyinirek ASK hám PSK metodların birlestirgen QAM metodı cifrlı-analog modulyaciyanıń jetilistirilgen metodı ekenligin kóremiz.
Ekilik PSK (BPSK – Binary PSK). Ápiwayı PSK túri bolıp ekilik PSK esaplanadı. Bul metodta biz eki signal elementine iye bolamız: biri 0º faza menen, basqası 180º faza menen. 9.7-súwret PSK metodınıń konceptual usınılıwın kórsetedi. Ekilik PSK da ekilik ASK sıyaqlı ápiwayı. Onıń bir úlken abzallıǵı sonda, ol shawqımǵa kem tásirsheń. ASK da bitti anıqlaw nızamı bolıp signal amplitudası xızmet etetin edi, PSK da bolsa bul faza. Shawqım fazaǵa salıstırǵanda amplitudanı ańsatıraq ózgertiwi múmkin. Basqasha aytqanda, ASK ǵa salıstırǵanda PSK shawqımǵa kem tásirsheń. PSK metodı FSK dan ústem esaplanadı, sebebi bizge eki tasıwshı signal kerek emes. Biraq PSK fazalardı parıqlaw imkaniyatına iye bolıwı ushın quramalıraq qurılmaǵa mútájligi bar.



Ámelge asırıw. BPSK metodın ámelge asırıw ASK sıyaqlı ápiwayı. Sebebi sonda, 180º fazalı signal elementi menen 0º fazalı signal elementin toltırıw (qosımsha) sıyaqlı kórip shıǵıw múmkin. Bul bolsa bizge BPSK metodın qalayınsha ámelge asırıwdı túsiniw imkaniyatın beredi. Biz ASK daǵı sıyaqlı ideyanı isletemiz. Biraq 9.8-súwrette kórsetilgenindey, unipolyar NRZ signalı ornına polyar NRZ signalınan paydalanamız. Polyar NRZ signalı tasıwshı jiyilikke kóbeytiledi. Bul jerde 1 bit (oń kernewlilik) 0º tan baslanǵan faza menen usınılǵan hámde 0 bit (teris kernewlilik) 180º tan baslanǵan faza menen usınılǵan



Juwmaqlaw
4. Kvadraturalı PSK (QPSK – Quadrature PSK). BPSK ápiwayılıǵı baǵdarlamashılardı hár bir signal elementinde 2 bitten isletiwge májbúr qılǵan edi. Sol sebepli bod uzatıw tezligin páseyedi hám nátiyjede kerekli ótkeriw polosası kemeyedi. Sxema ózinde kvadraturalı PSK yamasa QPSK nı sáwlelendiredi, sebebi ol eki óz aldına BPSK modulyaciyanı isletedi. Birewi sinfazlı hám basqası kvadraturalı (sinfazlı emes) esaplanadı. Kiriwshi bitler dáslep izbe izli ózgertiriwden parallel ózgertiriwge ótedi. Bunda 1 bit bir modulyatorǵa uzatıladı hám náwbettegi bit basqa modulyatorǵa uzatıladı.

Eger kiriwshi signaldaǵı hár bir bit dawamlılıǵı T bolsa, sáykes BPSK signalına uzatılıwshı hár bir bit dawamlılıǵı 2T ǵa teń boladı. Bul bolsa BPSK signalı baslanǵısh signal jiyiliginiń yarımına teń ekenligin bildiredi. 9.9-súwrette ideya kórsetilgen.Eki qurawshı signal hár bir kóbeytirgish tárepinen generaciyalanadı, biraq fazalar hár túrli. Olar qosılǵan waqıtta nátiyje bolıp jáne bir sinusoidal tolqın esaplanadı. Onıń fazası tórt bolıwı múmkin bolǵan 45°, - 45°, 135° hám -135°

fazalardan biri boladı. Shıǵıwshı signalda signal elementiniń 4 túri (L=4) bar. Sonıń ushın biz bir signal elementine 2 bit (r=2) uzatıwımız múmkin.