Раќим соли бођдонли

1994-09-08

, БУ – УМР САВДОСИ

(Қизим Моҳирага)
Қарашларинг мунгли, қизим, нетайин,
Бошингни гангитган умр савдоси.
Кўнгил беришганинг йигит ҳам тайин,
Бари бир тинч қўймас қалбинг нидоси.

Бахт бирдан рўёбга чиқмайди, қизим,

Қанча тўсиқлардан ўтишинг аниқ.
Янги хонадонга ҳурматинг лозим,
Бахтнинг келиши ҳам ўзингга боғлиқ.

Умр савдоси – бу, ҳеч ким қутулмас,

Кўнглингни очиқ қил, ёруғ юз-ла боқ.
Тушган хонадонинг бегона эмас,
Сен билан бахт кутар, чироғини ёқ.

Ота-онанг каби ардоқла барин,

Эъзозлар сени ҳам бир умр шунда.
Эркин, тинч ҳаётга айтиб офарин,
Ғурур билан яшанг озод Ватанда.
1996-08-16


БАХТИНГДАН МАМНУНМАН
(Ўғлим Бахтиёрга)
Муҳаббат мавж урди, кезди қонингда,
Қалбинг қистар эди бўл деб ҳамхона.
Меҳр қўйган ёринг бугун ёнингда,
Орзу-армонларинг қилди тантана.
Дўстларинг жамулжам туришар қатор,
Оғайни-қариндош хизматда бари.
Елиб-югуришар, бир куни қайтар,
Қўллаарим кўксимда, айтаман балли!

Саидкарим ака отам ўрнида,

Даврани кузатар кексаларга хос.
Тожихол синглим ҳам хизмат ўйида,
Шўх-шодон кезади, тинмайди бир пас.

Укам Абдураҳмон чапдаст ҳаммадан,

Барча оғирликни олган бўйнига.
Камчилик йўқми деб сўрар дамбадам,
Борини аямас, оға тўйига.

Хонанда хонишда, куй-қўшиқ тинмас,

Сайроқи, қўлидан тушмайди тори.
Айтган олқишлари шўх даврага мос,
Висолга интилган ошиқнинг зори.

Барчаси жойида, давра шўх-шодон,

Мамнунмиз бахтингдан мен билан онанг.
Келин ҳам мос тушган, иқболдан нишон,
Нурафшон айлагай кулбаи хонанг.
1996 й. ноябрь


ТЎЙГА ТЎЙОНА
(Қизим Гулнорага)
Тўйга тўйона – қўшиқ-куйинг муборак,
Муносиб бир-бирингга бўйинг муборак,
Қадаминг бахт келтирсин, уйинг муборак,
Ушалган орзу-армон, ўйинг муборак,
Ота-онанг қутлайди, тўйинг муборак.

Яратгандан одатдир тўю тантана,

Тинчлигу саодатдир тўю тантана,
Тўкин-сочин ҳаётдир тўю тантана,
Ушалган орзу-армон, ўйинг муборак,
Ота-онанг қутлайди, тўйинг муборак.

Яхши-ёмон ёндошдир замонлар ошгин,

Аҳилликда ёруғ кун, туманлар ошгин,
Бахт ўзидан келмайди довонлар ошгин,
Ушалган орзу-армон, ўйинг муборак,
Ота-онанг қутлайди, тўйинг муборак.

Раҳим Соли куйлайди кўкси тоғ бўлиб,

Бахтингиздан қувониб, кайфи чоғ бўлиб,
Волиданг ҳам ёнида гул-чароғ бўлиб,
Ушалган орзу-армон, ўйинг муборак,
Ота-онанг қутлайди, тўйинг муборак.