Radio jurnaliSTİKA

STUDİYA MENECERİ/TEXNİKİ OPERATOR

---

55
V BÖLÜM
RADİO XƏBƏRİN HAZIRLANMASI / 
RADİOAPARICI
ekspertlərin rəyini öyrənirlər. Debatlarda moderator 
qismində çıxış etmək də onların öhdəsinə düşür. 
Məhz buna görə də İT vərdişlərini son dərəcə inkişaf 
etdirməlidirlər. 
Aparıcı istehsal prosesinin intizamını və 
məsuliyyətini, zamanlama məsələsinin vacibliyi dəqiq 
təsəvvür etməlidir. Aparıcıların fəaliyyəti komandanın 
digər üzvlərinin fəaliyyəti ilə sıx bağlıdır, lakin 
digərlərindən fərqli olaraq onlar yalnız prodüser və 
redaktordan göstəriş alır. 
Digər radio peşələrindən fərqli olaraq, aparıcıların öz 
fəaliyyətlərinin monitorinqini aparmaq imkanı var, 
bunun üçün performanslarının doğurduğu rəyi, cavab 
reaksiyasını (ing.- feedback) nəzarətdə saxlamaları 
kifayətdir. Eyni zamanda proqram barədə şikayət və 
ya narazılıqlarda öz paylarına düşən hissəni diqqətlə 
izləməlidirlər. 
Böyük yayım stansiyaları bəzən istedadın inkişaf 
etdirilməsində maraqlı olurlar. Ümumiyyətlə, istənilən 
radio bazarında aparıcı yeri olduqca qiymətlidir, çünki 
bu yerlər məhduddur. Özün üçün bu məhdud sahəyə 
seçilmək şansını yaratmaq istəyirsənsə konkret 
ixtisaslaşma ilə yanaşı, praktik təcrübən olduğunu 
da göstərməlisən (pulsuz platfomalarda onlayn 
radiokanal yaratmağı heç kim yasaq etməyib). Digər 
tərəfdən, istənilən kiçik, onlayn və ya müəssisədaxili 
radioda işləmək təcrübə qazanmaq üçün yetərli 
ola bilər. Çünki hədəf və strategiya dəyişsə də, iş 
prinsipləri eyni qalır. Bir də populyar simaların aparıcı 
kimi çalışmağa başlaması təcrübəsi var. Lakin bu 
bizim maraq dairəmizdə deyil.
Radiostansiyanın səsi olan radioaparıcılar radionun 
üslubunu müəyyən edir və dinləyicilərlə əlaqəni 
təmin edilər. Bir növ stansiyanın simasına çevrilirlər. 
Bu işdə çalışmaq üçün sən:
▪ Əla təqdimat vərdişlərinə sahib olmalısan,
▪ Auditoriyaya xitab etməyi bacarmalısan,
▪ Səsindən effektiv istifadə etməyin yollarını 
araşdırıb-axtarmalısan,
▪ Müxtəlif radiostudiya avadanlıqlarından istifadə 
etməyi öyrənməlisən,
▪ Həm studiya fəaliyyətini koordinasiya etməyi, həm 
də informasiyanı təqdim etməyi öyrənməlisən,
▪ İşini sevməli, auditoriyanı cəlb etməlisən,
▪ Təzyiq altında effektiv və sakit işləməyi bacarmalı, 
əhval ruhiyyəni, səsini idarə etməyi öyrənmək üçün 
ardıcıl məşq etməlisən,
▪ Radioya dair etik qaydalardan xəbərdar olmalısan. 
Media qanunvericiliyindən xəbərdar olman 
arzuediləndir,
▪ Digər radiostansiyaların aparıcılarının iş fəaliyyətini 
izləməli, üslublardan xəbərdar olmalısan,
▪ Sənin aparıcısı olduğun proqramla analogiya 
təşkil edən tanınmış proqramların aparacılarının 
üslublarını izləməlisən,
▪ Əla İT bacarıqlarına sahib olmalısan.