54
Bu işi görə bilmək üçün;
▪ orijinal ideyalar yaratmalı, kreativ düşünməli,
ideyalarını auditoriyaya necə çatdıracağını
bilməlisən,
▪ əla yazı və yaradıcılıq vədişlərinə malik olmalı,
məzmunu müxtəlif auditoriya və platformalar üçün
adaptasiya etməyi bacarmalısan,
▪ radio bazarının mövcud vəziyyətini, rəqib
stansiyaların strategiyasını, efirə verilən
proqramları izləməlisən,
▪ səsyazma avadanlığından istifadə etməyi
öyrənməyə qadir olmalı və müxtəlif
radio
studiyalarda işləməyi bacarmalısan,
▪ əla kommunikasiya vərdişlərini diplomatiya
və empatiya ilə tamamlamalı,
eyni zamanda
insanlara qayğı və səbrlə yanaşmağı öyrənməlisən,
insanlardan informasiya almaq üçün qarşılıqlı
anlaşmanı təmin etməlisən,
▪ komanda üzvlərinə inkişaf etməyi aşılamalı, onlara
daim yeni bir şeylər öyrətməlisən,
▪ əminlik və israrla informasiyanı izləməyi, ideyaları
vəzifəcə daha böyük əməkdaşlara təqdim etməyi
bacarmalısan,
▪ çalışmaq istədiyin radioya dair olan bütün
subyektlər sahəsində geniş biliklərə malik olmalı,
daim öz üzərində çalışmalısan,
▪ təzyiq altında sakit və effektli işləməyi bacarmalı,
qoyulan müddətlərə anında reaksiya verməli və
onları təmin etməlisən,
▪ media, xüsusən də radio sahəsinə
dair etika, qanun
və qaydaları bilməli, tənzimləmədən xəbərdar
olmalısan,
▪ ölkəndə müəlliflik hüquqları barədə daim məlumat
toplamalısan,
▪ güclü İT vərdişlərinə yiyələnməli, bütün önəmli
proqram təminatlarını bilməlisən (audiomontaj,
videomontaj və şəkillərin redaktəsi).
Radioprodüser nə edir?
Radio prodüserlər proqramın kontentini yaradır
və bütün istehsal – prodakşn prosesini idarə edir.
Onlar ideyaları saf-çürük edir, araşdırır, uyğun
şəkildə təqdim edirlər. Dinləyicinin bütün dinlədikləri
proqramlarda prodüserlərin aparıcı rol oynamasına
və əsas işləri görməsinə
baxmayaraq, onlar heç vaxt
efirə çıxmırlar.
Prodüserin səlahiyyətlərinin dairəsi və vəzifəsi onun
məsul olduğu proqramlar və ya radiostansiyadan
çox asılıdır. Onlar aparıcılar, ifaçılar və ümumiyyətlə
proqram iştirakçıları ilə əməkdaşlıq edir. Proqramların
məzmununun qoyulan istehsal standartlarına uyğun
olub-olmadığından əmin olmaq üçün onlar gərək
olduğunda tapşırıq verməyi də bacarmalıdırlar.
Radio prodüserlər çox zaman proqramların biznes və
texniki aspektləri ilə yaxından bağlı olurlar.
Onlar eyni
zamanda büdcənin idarə edilməsi və resurslardan
effektli istifadə üçün məsuliyyət daşıyırlar.
Dinləyicilərin şərhlərinə və şikayətlərinə
cavab
vermək, sosial şəbəkədə bunları cavablandırmaq da
onların işidir.
Onlar, əsasən, ofislərdə və səsyazma studiyalarında
çalışırlar, ancaq yayım məkanında da çalışa bilərlər.
Radio prodüserlərin də iş növbəsi müxtəlifdir: gecə
də, bayram günləri də çalışa bilərlər. Bəzən onların
reportyorlarla birlikdə uzun səfərlərə çıxması lazım
ola bilər.
Radio prodüserlər bütün müvafiq informasiya
mənbələri ilə işləməyi jurnalistlər qədər bilməlidir.
Səsyazmalar üçün icazələrin alınması, birbaşa yayım
üçün razılaşmanın əldə edilməsi və arxiv materialları,
səs effektləri və musiqlərdən istifadə üçün
lisenziya
alınması prosesinə nəzarət prodüserlərin öhdəsinə
düşür.
Onlar eyni zamanda radio studiyaları idarə etməli,
gərək olduğu zaman həm kənarda, həm də studiya
daxilində səsyazma aparmalıdırlar.
Eyni zamanda
müsahibələrin və digər materialların prodüser
tərəfindən yazılması və montajı tələb edilə bilər.
Təbii ki, reportyorun başqa işi olduğu və tək çalışa
bilmədiyi zamanlarda. Bütün bunlarla yanaşı,
prodakşn işinə nəzarət prodüserin əsas funksiyası
olaraq qalır.
V BÖLÜM
RADİO XƏBƏRİN HAZIRLANMASI /
XƏBƏRLƏRIN PRODÜSERI / STUDİYA MENECERİ/TEXNİKİ OPERATOR
Fiziki olaraq studiya əməliyyatlarına nəzarət edir,
xətləri yoxlayır, kanalları tənzimləyir. Operator
texniki keyfiyyətə cavabdehdir. Mikrofondakı küy,
səsyazmanın keyfiyyəti, yazılan səsin keyfiyyəti
tamamilə onun işindən asılıdır. Birbaşa yayım vaxtı
bu əməkdaşların işi ikiqat artır, çünki
translyasiya
zamanı səsin keyfiyyətini və səviyyəsini nəzarətdə
saxlamalıdırlar. Onlar jurnalistika sahəsindən çox
texnika ilə bağlı olsalar da, komandada önəmli yer
tuturlar.
Do'stlaringiz bilan baham: 
