Radio jurnaliSTİKA

MÜXTƏLİF XƏBƏR MƏNBƏLƏRİNDƏN İSTİFADƏ
Press-reliz
Nümayəndə heyətinin Azərbaycana gəlişi 
ilə əlaqədar hazırlanmış səfər proqramı 
çərçivəsində iştirakçıların Fərxi Xiyabana və 
Şəhidlər Xiyabanına ziyarəti, bir sıra dövlət 
qurumlarında, o cümlədən bir qrup gənc millət 
vəkilləri ilə görüşlər, Azərbaycan Respublikasının 
Prezidenti yanında Strateji Araşdırmalar 
Mərkəzi, Heydər Əliyev Fondu və Azərbaycan 
Diplomatik Akademiyası ilə tanışlıq, gənclər 
təşkilatlarının iştirakı ilə dəyirmi masa və 
Azərbaycanın tarixini və mədəniyyətini geniş 
şəkildə əks etdirən bir neçə təqdimatda 
iştirakı nəzərdə tutulmuşdur. Azərbaycanda 
keçirdikləri vaxt ərzində qonaqlar həm də 
müxtəlif muzeylərlə, o cümlədən Qobustan 
Dövlət Qoruğu, Qala Etnoqrafik Muzeyi, Müasir 
İncəsənət Muzeyi, “Villa Petroleum” Nobel 
qardaşlarının ev muzeyi və digərləri ilə tanış 
olacaqlar.
Səfər zamanı nümayəndə heyətinin 
Azərbaycanla ikitərəfli əlaqələrin qurulması 
və əməkdaşlıq perspektivlərinin müzakirəsi 
gözlənilir. Qeyd edək ki, bu, Latın Amerika 
ölkələri ilə gənclərlə iş sahəsində keçirilən ilk 
mübadilə proqramıdır. 
Redaktorlar üçün qeyd: 20 noyabr - 2 dekabr 
2012-ci il tarixlərdə 4 Latın Amerikası ölkəsi 
ilə gənclərlə iş sahəsində təcrübə mübadiləsi 
proqramı reallaşdırılır. Bu müddətdə Kolumbiya, 
Kosta-Rika, Meksika və Panamadan 43 nəfərdən 
ibarət nümayəndə heyəti Azərbaycanda səfərdə 
olacaq. Səfər “Azərbaycan gəncliyi 2011-2015-
ci illərdə” Dövlət Proqramı çərçivəsində həyata 
keçirilir.”

---

58
göndərilər, ya da sizin radio qurum olduğunuz 
düşünülərək foto əlavə edilməz. 
Press relizini aldığınız quruma zəng edəndə çox səfeh 
suallar və cavablarla da qarşılaşa bilərsən: “Kimlə 
danışacaqsız ki? Hər şeyi press-relizə yazmışıq. Daha 
niyə zəng edirsiniz?”, “Həftəsonuna qədər sizinlə 
danışacaq birini taparıq”, “Gəlin, mən sizə izah edim, 
amma səsimi yazmayacaqsız da. Doğrudur?”
Ancaq press-reliz daha “həvəskar” qurumdan 
gəlirsə, səhvlərinə daha nəzakətlə yanaş, regiondakı 
insanlar, könüllülərin təşkil etdiyi xeyriyyə qurumları 
radiostansiyaların iş prinsiplərindən xəbərdar olmaya 
bilər. 
Bir də audio press-relizlər var, bəzi PR kompaniyaları 
press-relizləri ilə yanaşı, onların səsləndirilməsindən 
ibarət olan audio materiallar da göndərirlər. Bu həmin 
qurumun rəhbərindən alınmış müsahibə şəkilində 
də ola bilər. Və ya dünyada Hollivud ulduzlarının PR 
menecerləri eyni təcrübədən istifadə edir. Yəni faktiki 
olaraq sizin müsahibə almaq imkanınız olmayan 
şəxslərin müsahibələrini sizə hazır göndərirlər. Lakin 
bu bir növ hansısa mağazanın öz məhsulunu reklam 
etdiyi audiomaterialı səsləndirmək kimi bir şeydir. 
Çünki həmin göndərilən müsahibədə sənin istədiyin 
deyil, həmin şəxsin istədiyi suallar cavablandırılmış, 
onların istədiyi informasiya verilmiş olur və qurumlar 
çox zaman bu tip audioklipləri montaj edib yaymağı 
qadağan edirlər. 
4.