R. I. Ismailov, M. A. Eshmuhamedov polimerlarni qayta ishlash jarayoni

Silindrsimon rotorli rezina aralashtirgichlar. Ko‘rsatib 
o‘tilganidek, silindirsimon rotorli «Intermiks» tipidagi rezina 
aralashtirgichlar «Frensis Shou» (Angliya) firmasi tomonidan 
ishlab chiqariladi. «Intermiks» rezina aralashtirgichlarining 
boshqa yopiq turdagi aralashtirgichlardan farqi uning shakli va 
rotorlarining konstruksiyasidir.
Bu rotorlar silindrik sirtga ega bo‘lib, unda bitta katta vintli 
bo‘rtma va kichikroq o‘lchamdagi ikkita vintli bo‘rtmalar 
mavjud. Materialga ishlov berish rotorlar bilan aralashtirish 
kamerasining devori oralig‘ida emas, balki rotorlar oralig‘idagi 
zazorda amalga oshiriladi. Shu sababli devor unchalik ko‘p 
yedirilmaydi. Bir rotorning vintli bo‘rtmalari ikkinchi rotor 
vintli bo‘rtmalarining chuqurlariga 3 mm bilan kiradi, shunga 
mos ravishda valeslarning friksiyasiga mos ravishda bo‘rtma 
va chuqurlar yuzasining aylanma tezliklarida farq paydo 
bo‘ladi. Bulardan tashqari, vintli bo‘rtmalar aralashmani 
bo‘ylama yo‘nalishda harakatlantiradi va buning natijasida 
yaxshi aralashtirishga erishiladi.
Rotorlar ikki qismdan iborat: shakldor qism maxsus 
polatdan quyib yasaladi va val bolg‘alangan po‘latdan yasaladi. 
Rotorning shakldor qismlarini alohida quyish rotorning bir xil 
qalinlikda bo‘lishini ta’minlaydi, uning yupqa devorli bo‘lishiga 
imkon beradi va sovitish sharoitlarini yaxshilaydi. Rotorning 
bu ikkala qismlari o‘zaro presslab birlashtiriladi.