Qurilish materiallari

Kovakli shisha bloklar payvandlangan ikki bo’lakdan iborat, nurni taratuvchi, issiqlik va tovush izolatsiyalovchi xususiyatlarga ega (4.6-rasm). Shisha blok ichki tomonidagi chiziqli bo'rtmalar nurni taratishga yordam beradi. Ularning nur o'tkazuvchanligi 65% dan kam emas, nurni taratishi 25%, issiq o'tkazuvchanligi 0,4 W/(m°C). Shisha bloklar rangli va ko'p bo'lmali bo'ladi. Ular santexka-binalarda, maishiy xizmat, xonalarda ishlatiladi.





4.6-rasm. Kovakli shisha bloklar


Shishaprofilh qobirg'a, shveller, tavr, yarimaylana, paket ko'ndalang kesimli (profilli) bo'lib, maxsus mustahkam shishadan tayyorlanadi. Shveller profilli shisha profilit eni 250-500 mm, paketliniki 250-300 mm bo'ladi. Ularning armaturali va armaturasiz, rangli va rangsiz turlari bo'lib, yig'ilayotganda maxsus sovuqqa va suv muhitiga chidamli qistirmalar yordamida zichlash-tiriladi. Ular sanoat binolari, sport inshootlari, transport to'xtash joylari qurilishida ishlatiladi.
Ko'pik shisha bir tartibda joylashgan yumaloq kovakchalarning (diametri 0,1–0,6 mm) o'zaro yupqa shisha devor bilan ajratilishidan hosil bo'lgan. Ko'pik shisha sanoatda ishlab chiqariladigan shisha chiqindilarni tuyib, gaz hosil qiluvchi qo'shilmalar (koks, ohaktosh, marmar va shu kabilar) qo'shib 700-900 °C da eritiladi va qolipga quyiladi.
Suyultirilgan shishada qo'shilmalar gaz hosil qiladi va qotish jarayonida buyumda mayda g'ovakchalar paydo bo'ladi. Bu esa buyumning o'rtacha zichligi, issiqlik va tovush o'tkazuvchanligini kamaytiradi. Uning g'ovakligi 85–95%, o'rtacha zichligi 200–400 kg/m³ issiqlik o'tkazuvchanlik koeffitsiyenti 0,08-0,12 W/(m°C), siqilishdagi mustahkamligi 0,5–12,5 MPa.
Ko'pik shishadan o'lchamlari 1000x500x125 mm yoki 500x500x125 mm li blok va plitalar tayyorlanadi. Uni arralash, kesish yoki parmalash mumkin. Buyumlar sovuqqa va kimyoviy muhitlarga chidamlidir. Ko'pik shisha qurilishda ko'p qatlamli temirbeton panellarda, g'isht hamda yog'och taxta devorlarda, pollar va qavatlararo plitalarda sirti 400 °C gacha qiziydigan uskuna va quvurlarni qoplashda issiqlik izolatsiyasi qatlami sifatida ishlatiladi.