Qurilish materiallari

4.5-rasm. Toblangan oyna.


Radioaktiv nurlarga bardoshli oynaning shixta tarkibiga qo'rg'oshin, litiy, bor, kadmiy va seziy oksidlari (0,25–1,5%) qo'shilib tayyorlanadi. Ular atom elektrostansiyalarida, reaktor xonalarida, izotoplar tayyorlaydigan korxonalarda ishlatiladi.
Ko'p qavatli oyna (tripleks) oddiy va armaturalangan bo'lib, asosiy va oraliq (amortizatsiyalovchi) qatlamlardan iborat. Bu oyna turi sindirilganida, maydalansa ham sochilib ketmaydi.
Issiqqa bardoshli borosilikatli oyna tarkibida bor, rubidiy va litiy oksidlari bo'ladi. U 200 °C haroratga chidaydi va haroratdan chiziqli kengayish koeffitsiyenti (2-4 ∙10^-6)°C^-1.


4.5. Bezak oynasi
Bezak oynasi me'morchilik, dekoratsiya ishlarini bajarishda ishlatiladi. U rangli, yorqin, yaltiroq, atmosfera muhitiga chidamli va mustahkam bo'lishi kerak. Bezak panellari oynasi (stemalit) toblangan polirovkalangan qalin oyna (6 mm) ichki yuzasiga rangli keramik bo'yoqlar qoplamasi surtilib olinadi. Stemalit jamoat binolari – mehmonxonalar, vazirliklar, ekspomarkazlar va shu kabilarni bezashda ishlatiladi.
Marbilit qalin (12 mm) rangli oyna bo'lib, bir tomoni polirovka­langan va ikkinchi tomoni esa g'adir-budur bo'ladi. U binolarni bezashda, deraza osti taxtalari, sotuv vitrinalari, ish stollari tayyorlashda ishlatiladi. Emallangan shisha plitka 150x150, 150x175 mm o'lchamlarda, qalinligi 3–5 mm chiqindi oynadan shisha emali qoplab tayyorlanadi. U quritilgach, xumdonda kuydiriladi. Mahsulot binolarni ichki bezagi uchun ishlatiladi.
Shisha mozaika gilam mozaika va smalt turlariga bo'linadi. Gilam mozaika 20x20 mm yoki 25x25 mm o'lchamdagi so'niq rangli plitkalardir. Smalt rangli shisha bolaklari bo'lib, badiiy mozaika hosil qilishda ishlatiladi. Gilam mozaika va smalt qurilish-me'morchilikda pannolar va rasmlar barpo etishda ishlatiladi.


4.6. Shisha buyumlar va konstruksiyalar