Qurilish materiallari

4.2-rasm. a - Vitrina oynasini qadoqlash





4.2-rasm. b - Vitrina oynasini, jamoat binosi.


Issiq nurlarni qaytaruvchi oyna bir tomondan 0,3–1 mkm qalinlikda, turli rangdagi metall va oksid plyonkalar bilan qoplangan bo'ladi. Metall yoki oksid qoplamalari maxsus ionli purkash uskunalari yordamida nikel-xrom aralashmasi, temir, mis, hattoki oltin, platina va shu kabilar nodir metallar qoplanishi mumkin. Ulaming nur o'tkazuvchanligi 30–70% atrofida bo'ladi. Metall qoplamali shishalar infraqizil nurlarni qaylargani sababli qizimaydi va xonadan nur tashqariga chiqmasligi tufayli binolarda issiqlik saqlanadi. Metall va oksid plyonkalar bilan qoplangan vitrina oynalari Biznes markazi, Inlerkontinental mehmonxonasi va boshqa ma'muriy binolarni bezash va izolatsiyalashda ishlatilgan.
Issiq nurlarni yutuvchi oynaning kimyoviy tarkibida temir, kobalt, nikel oksidi bo'ladi. Oynaning bu turi davolanish, bolalar bog'chalari, gulxona, qishki bog' qurilishda ishlatiladi (4.3-rasm).





4.3-rasm. Issiqlik nurlarni yutuvchi oyna


Nur qaytaruvchi oyna gulli va xiralashtirilgan turlarga bo'linib, xona ichi ko'rinmasligi uchun deraza va eshik romlariga o'rnatiladi. Gulli oyna quyilayotganda maxsus valiklardan foydalaniladi. Xira­lashtirilgan oyna esa qum oqimi bilan oddiy oynani qayta ishlab tayyorlanadi.
Armaturalangan oynani kuydirilgan, xromlangan, nikellangan polat to'r bilan kuchaytirib tayyorlanadi (4.4-rasm). Bu oyna silliq va to'lqinsimon bo'lib, oyna sindirilganda sochilib ketmasligini ta'minlaydi. Uning uzunligi 1200-2000 mm, eni 400-1500 mm.





4.4-rasm. Armaturalangan oyna


Toblangan oyna oddiy oynani 540–650 °C haroratda qizdirib va asta-sekin sovutib olinadi. Toblangan oynaning zarbiy va egilishdagi mustahkamligi oddiy oynaga nisbatan bir necha barobar yuqori. Toblangan oyna vitrinalar, eshiklar, balkon, zinapoya to'siqlari va boshqalar tayyorlashda ishlatiladi (4.5-rasm).