Olimpiada 2-bosqich savollari

OLIMPIADA 2-BOSQICH SAVOLLARI
1. Bir jinsli taxta devorga tirab qo’yilgan. Agar ishqalanish koeffitsiyenti taxta va pol orasida 0.4 taxta va devor orasida esa 0.5 bo’lsa, taxta bilan gorizontal pol orasidagi burchakning qanday eng kichik qiymatida (graduslarda) taxta o’z muvozanatini saqlab qoladi?

2. Gorizontal holatdagi probirka ichida 150 mm uzunlikdagi simob ustuni bilan atmosferadan ajratilgan 240 sm³ havo bor. Agar probirkani ochiq tomon bilan yuqoriga qarab qo’yilsa, havoning hajmi 200 sm³ bo’lib qoladi. Atmosferik bosimni (kPa da) toping? Simobni zichligi 13600 kg/m³, g = 10 m/s².

3. Yassi kondensatorning qoplamalari bir – biridan 0.5 mm masofada joylashgan 5 sm radiusli doirasimon plastina ko’rinishiga ega. Dastlab kondensator zaryadlanmagan, keyin esa uning qoplamalari yupqa sim yordamida uzoqdagi o’tkazgich sharlar bilan: birnchisini 150 V potensialgacha zaryadlangan 50 sm radiusli shar bilan, ikkinchisini 60 V potensialgacha zaryadlangan 125 sm radiusli shar bilan ulanadi. Kondensatorda qanday kuchlanish hosil bo’ladi?

4. Yorug’lik nuri qalinligi 2 sm bo’lgan shaffof plastinkaga sinusi 0,8 bo’lgan burchak ostida tushadi. Nur plastinkadan o’tishda necha millimetrga siljiydi? Plastinka moddasining sindirish ko’rsatkichi 4/3.

5. 132 W quvvat istemol qiladigan cho’g’lanma lampochkaning yorug’lik uzatishi (FIK) 6% ga teng, lampa nurlanishining o’rtacha chastotasi esa 6∙10¹⁴ Hz. Lampadan 100 m uzoqlikda turgan kishi ko’zining qorachig’ida shu lampadan sekundiga necha milliard foton tushadi? Qorachiqni 2 mm radiusli yassi doira deb hisoblang. Plank doimiysi 6.6 ∙ 10^-34 J∙s.