Qurilish jarayonlari. Bino inshootlarni barpo etish texnologiyasi toshkent 2021

3. Qurilish jarayonlari va ishlari.

• Uzluksiz jarayonlar - keyingi jarayonlarini amalga oshirishga darhol kirishishga imkon beruvchi jarayonlar – g‘isht terish, ayrim konstruktsion elementlarni montaj qilishni;
• Uzlukli jarayonlar - keyingi jarayonlarni bajarish oldidan majburiy texnologik tanaffuslarni talab etuvchi jarayonlar – betonning kerakli mustaxkamligini olgunga qadar kutish, suvoqning qurishini kutib turish;

Jarayonlarni bajarish xususiyatiga ko‘ra:

3. Qurilish jarayonlari va ishlari.

• Yetakchi jarayonlar, bino va inshootni barpo qilishning yakuniy muddatlarini belgilab beruvchi;
• Qo‘shma jarayonlar, faqat yetakchi jarayonlar bilan paralel ravishda bajariladigan (montaj va tutashuv joylarini bekitish, g‘isht terish va suvash, umumqurilish va maxsus ishlar). Qo‘shib olib beriladigan jarayonlar qurilishning muddatiga ta’sir ko‘rsatuvchi yetakchi jarayonga aylanishiga yo‘l qo‘yib bo‘lmaydi. Ikkinchi tomondan, jarayonlarni birga qo‘shib bajarish qurilishning davomiyligini ancha qisqartirishga imkon beradi.

Ahamiyatga ko‘ra (bajarishning ustivorligiga ko‘ra):

Bino va inshootlarni barpo etishda shunday ishlar majmui bajariladiki, ularni uch guruhga birlashtirish mumkin:

• Umumqurilish ishlari - ularni bajarish usuli yoki qo‘llanilayotgan va ishlov berilayotgan materiallariga ko‘ra yer ishlari, qoziqli ishlari, tosh ishlari, montaj, beton, tom yopmani yopish, pardozlash va boshqa ishlarga bo‘linadi.
• Maxsus ishlarga - suv ta’minoti, kanalizatsiya, isitgich, ventilyatsiya, elektromontaj, texnologik konstruktsiyalarni, liftlarni montaj qilish, rezervuarlarni, sanoat pechlarini va h. k. larni barpo qilish kiradi. Bu ishlar o‘ziga xosdir, shu jumladan har bir qurilish ob’ekti uchun shunga o‘xshash ishlarning o‘z nomenklaturasi mavjud, shuning uchun maxsus ishlarni asosan ixtisoslashtirilgan tashkilotlar bajarishadi, ular qurilishning asosiy ijrochisiga subpudratchi bo‘lib hisoblanadi.
• Yordamchi ishlar–qurilishni materiallar, yarimfabrikatlar, detallar bilan ta’minlash uchun mo‘ljallangan va transport hamda ortish – tushirish ishlariga ajratiladi.