Quloq tomoq

Davolash:  qizilo‘ngachdagi yot jismlar ezofagoskopiya 
yordamida olib tashlanadi. Ularni olib tashlashdan oldin va 
keyin rentgen nazorati o‘tkaziladi. Bolalarda ezofagosko-
piya intubatsiyali endotraxeal narkoz ostida qilinadi. Kat-
talarda uni Bryunings yoki Mezrin bronxoezofagoskopiyasi 
yordamida mahalliy og‘riqsizlantirish bilan amalga oshirish 
mumkin. Ezofagoskopiya mahalliy og‘riqsizlantirish ostida, 
agar bu qiyinchilik tug‘dirsa unda endotraxeal narkoz osti-
da o‘tkazilishi kerak. Qizilo‘ngachdagi yot jismni me’daga 
itarish man etiladi; bu yot jismni itarib, surib yuborish 
uchun qattiq non yeyish ham mumkin emas.
Yot jism olib tashlangandan keyin shilliq pardada jaro-
hat bo‘lsa, suyuq ovqatlar tavsiya etiladi hamda yallig‘la-
nishga qarshi va desensibilizatsiyalovchi terapiya o‘tkazi-
ladi. Agar qizilo‘ngachda teshik paydo bo‘lsa yoki u borli-
giga shubha tug‘ilsa og‘iz orqali ovqatlanish butunlay man 
etiladi, bakteriyalarga va umumiy yallig‘lanishga qarshi 
davolash tavsiya etiladi, kasalni rektal va parenteral yo‘l 
bilan ovqatlantiriladi. Bunday bemorlar ko‘krak jarrohligi 
bo‘limida davolanishlari lozim.
Agar asoratlar bo‘lmasa bemor tezda tuzalib ketadi.