Quloq tomoq

Angina bilan og‘rigan bemorlarni parvarishlash. Angina 
– o‘tkir yuqumli kasallik bo‘lib, bemorni alohida xonada 
parvarish qilinadi. Oilaning sog‘lom a’zolari to‘rt qavat-
li doka niqob yoki maxsus tibbiy niqob taqishlari kerak. 
Bemorga alohida idish-tovoq ishlatish maqsadga muvofiq. 
Xonani muntazam shamollatib turish zarur. Bemor 8–10 
kungacha o‘rnidan turmasdan yotishi kerak. Bu tavsiyalar-

---

126
ga qat’iy rioya qilinsa kuzatilishi mumkin bo‘lgan aso-
ratlarning (yurak, bo‘g‘in, buyrak kasalliklari) oldi olinadi. 
Intoksikatsiya holatlarini inobatga olgan holda, bemor-
ga ko‘p suyuqlik, suyuq, kaloriyaga va vitaminlarga boy 
oziq-ovqatlarni iste’mol qilish tavsiya etiladi. Tomog‘ini 
chayishga qiynalayotgan yosh bolalarga har 1–1,5 soatda 
issiq limonli choy yoki mevali sharbat berish lozim.
Tomoqni chayish uchun turli dezinfeksiyalovchi vosi-
talardan foydalaniladi. Bu muolaja halqumning yallig‘la-
nish kasalliklar ida keng qo‘llaniladi (faringit, angina, para-
tonzillar abssess, surunkali tonzillit).
Tomoqni chayish uchun qo‘llaniladigan (200–250 ml) 
suyuqlikni 40–42°C gacha isitish kerak bo‘ladi. Bemor 
og‘ziga bir qultum suyuqlikni olib, boshini orqaga en-
gashtirib 30 soniya davomida tomog‘ini chayib turadi. Mu-
olaja bir sutkada 6–8 mahal qaytariladi.
Isituvchi kompress qo‘yish texnikasi: 6–8 qavat tax-
langan doka salfetkani suv bilan aralashtirilgan 70°C li 
etil spirtida ho‘llab, bo‘yinning oldingi va yon yuzalariga 
qo‘yiladi. Uning ustidan salfetkadan kattaroq polietilen 
plyonka, uning ustidan bir qavat paxta yopiladi va bint bi-
lan bo‘yinda o‘rab bog‘lanadi. Kompress 6–8 soatga qoldi-
riladi. U olingandan keyin teri quritib artiladi va bo‘yin-
ga quruq dokadan yoki yupqa paxtali matodan bog‘lam 
qo‘yiladi.
Lakunar va follikular anginada antibiotiklar (keng qam-
rovli antibiotiklar yoki makrolidlar) buyuriladi. Shu bilan 
bir qatorda asetilsalitsil kislotasi, antigistamin vositalar, 
askorbin kislotasi tavsiya etiladi.
Anginani oldini olish maqsadida surunkali infeksiya 
o‘choqlarini sanatsiya qilish, burundan nafas olishga xa-
laqit beruvchi omillarni bartaraf etish zarur. Organizmni 
chiniqtirish, mehnat va dam olishni to‘gri tashkil etish, 
chang, tutun, juda quruq havo, alkogol kabi zaharli ta’sirlar-
ni bartaraf etish katta ahamiyatga ega. Tez-tez angina bilan 
og‘riydigan odamlar dispanser kuzatuvida bo‘lishi lozim.

---

127