Quloq tomoq

Halqumga yot jismlar tushib qolishi
Halqumga yot jismlar tushib qolishi ko‘proq bolalar 
orasida uchraydi, chunki ular bilmasdan turli mayda-chuy-
da narsalarni og‘izlariga solishadi.
Ba’zida yot jismlar ovqat bilan yutib yuborilishi 
mumkin. Yot jismlar tabiati va shakli jihatidan har xil 
bo‘lishi mumkin: baliq qiltanog‘i, mayda suyaklar, igna, 
mayda mix, cho‘plar, don-dunlar qobig‘i, mevalar da-
nagi, mayda o‘yinchoqlar, tish protezlari, zuluk, gijja 
va  bosh qalar.
O‘tkir uchli yot jismlar ko‘proq murtakka, murtak oldi 
va orqa ravoqlariga, til ildiziga taqalib qoladi. Bunda be-
mor sanchiqli og‘riqdan shikoyat qiladi, bu og‘riq ayniqsa 
yutinish paytida zo‘rayadi.
Halqumga yot jism tushganda bemorlar uni seza-
di, yo‘talganda, yutinganda og‘riqning kuchayishi, hiqil-
doq-yutqin sohasida yot narsa bo‘lganda nafas olishning 
qiyinlashuvidan shikoyat qiladi.
Tashxis faringoskopiya, nazofaringoskopiya, fibros  -
kopiya, rentgenologik tekshuruv usullariga suyangan holda 
qo‘yiladi.
Davosi: yot jismlarni halqumdan maxsus qisqichlar yor-
damida olib tashlanadi. Agar yot jism pastki bo‘limlarda 
bo‘lsa, laringoskopiya, fibroskopiya yo‘li bilan olib tash-
lanadi.
Yot jismni olib tashlagandan so‘ng, shu soha yuzasi 
jarohatlangan bo‘lsa, unga 5%li yodning spirtli eritmasi-
dan surtib, 1:5000 nisbatdagi furasillin eritmasi yoki kaliy 
permanganatning kuchsiz eritmasi bilan chayiladi. 5–7 kun 
davomida dag‘al, ta’sirlovchi ovqatlar yeyish man etiladi.

---

119