Qo`shilgan qiymat va aktsiz solig’i hamda ularning hisoblanishi reja

Ortiqcha to`langan QQS

Agar bundan oldingi hisobot davri uchun hisobga olingan qo`shilgan qiymat solig’i summasining hisobot davri uchun hisoblangan soliq summasidan ortiq bo`lgan summasi vujudga kelsa, unda ko`rsatilgan ortiqcha summa hisobot davridan keyingi davr uchun hisobga olinadi.

Agar umuman korxona hisobga olinishi lozim bo`lgan qo`shilgan qiymat solig’i bo`yicha nol stavkasini qo`llasa, u holda ushbu hisobot davri uchun hisoblangan summasidan ortiq bo`lgan summaga ega bo`ladi va bu ortiqcha summa (manfiy saldo) 2003 yil 13 maydagi (30- sonli bayonnoma) hisob-kitoblar mexanizmini tashkillashtirish va budjetga undiriladigan to`lovlar intizomini mustahkamlash bo`yicha hukumat komissiyasi tomonidan tasdiqlangan «Xo`jalik yurituvchi sub’ektlariga qo`shilgan qiymat solig’i bo`yicha yuzaga kelgan farqni qoplash to`g’risida»gi (Adliya vazirligi tomonidan 2003 yil 6 iyunda 1246-son bilan tasdiqlangan) Nizomga asosan qaytariladi va ortiqcha to`langan summasi (ortiqcha) sifatida ko`rib chiqilmaydi.
Ortiqcha to`langan qo`shilgan qiymat solig’i soliqlar va yig’imlar bo`yicha qarzlar mavjud bo`lmagan taqdirda, bo`lg’usi to`lovlar hisobiga kiritiladi yoki soliq to`lovchiga yozma arizasi olingan kundan boshlab ,o`ttiz kun ichida qaytariladi.


Budjetga undirilishi lozim bo`lgan QQS summasini hisoblash

Qo`shilgan qiymat solig’i bo`yicha hisob-kitoblar boruvchi yakun bilan quyidagi shaklda taqdim etiladi:

Qo`shilgan qiymat solig’ining hisob kitobi

Ko`rsatkichlar	Satr	Summa
Hisobot davrida olingan hisobvaraq fakturalar bo`yicha haqiqatda kelib tushgan xom ashyo, butlovchi buyumlar, yoqilg’i, ishlar, xizmatlarning qiymati (QQSni hisobga olmasdan)	1
-shu jumladan import qilinganlari	2
Ulardan soliq solinadigan aylanma uchun foydalaniladi, shu jumladan nol stavkasi bo`yicha aylanma, jami:	3
-shu jumladan eksport mahsuloti bo`yicha soliq solinadigan aylanma uchun	4
Hisobga qabul qilinadigan QQS summasi	5
Yuklab jo`natilgan tovarlar (ishlar, xizmatlar) qiymati, QQSni hisobga olmasdan, ulardan jami:	6
Qo`shilgan qiymat solig’iga tortilmaganlari (imtiyozlar bo`yicha ma’lumotlar ilova qilinadi)	7
-nol stavkasi bo`yicha soliq solinadiganlari	8
-shu jumladan eksportga etkazib berishlari bo`yicha	9
-qo`shilgan qiymat solig’iga amaldagi stavkasi bo`yicha tortiladiganlari	10
QQS stavkasi	11
Yuklab jo`natilgan tovarlar (ishlar, xizmatlar) uchun hisoblab yozilgan QQS summasi (10-satr x 11-satr)	12
Hisob-kitob bo`yicha hisoblab chiqarilgan soliq summasi (12-satr - 5-satr)	13
Oldingi hisob-kitob bo`yicha hisoblab chiqarilgan qo`shilan qiymat solig’i summasi (oldingi hisob-kitobning 12-satri)	14
Qo`shilgan qiymat solig’i summasi (13-satr- 14-satr) qo`shimcha
-to`lashga	15
-kamaytirishga	16

Yuqorida keltirilganidek, budjetga to`lanadigan qo`shilgan qiymat solig’i soliq solinadigan aylanmalar bo`yicha hisoblangan soliq summasi bilan hisobga kiritiladigan soliq summalari o`rtasidagi farq sifatida aniqlanadi. Shuning uchun budjetga to`lanadigan QQS summasini hisoblashda ikkita ko`rsatkichni aniqlash lozim — soliq solinadigan aylanmalar bo`yicha hisoblangan soliq summasi va hisobga kiritiladigan soliq summalari.

1238-sonli Yo`riqnomaga binoan «agar harid qilingan tovarlar (ishlar, xizmatlar) bo`yicha qo`shilgan qiymat solig’i summasi hisobot oyida hisobga kiritilgan keyingi davrlarda esa ushbu moddiy resurslar tadbbirkorlik faoliyatida va soliq to`lovchining soliq etkazib berishlari uchun ham foydalanilmagan bo`lsa, u holda ushbu (keyingi) davrlarda oborot va «Qo`shilgan qiymat solig’i» hisob-kitobi 3-5-bandidagi soliq oborotlari va summalari tuzatilishi amalga oshiriladi».