Qo`shilgan qiymat va aktsiz solig’i hamda ularning hisoblanishi reja

Soliqni to`lash va hisob-kitoblarni taqdim etish muddatlari

Korxonalar qo`shilgan qiymat solig’i bo`yicha hisob-kitoblarni o`sib boruvchi yakun bilan soliq yuzasidan ro`yxatdan o`ttan joyidagi davlat soliq xizmati organlariga har oyda, hisobot oyidan keyingi oyning 15-kunidan kechiktirmasdan va yil yakunlari bo`yicha yillik moliyaviy hisobotni topshirish muddatida taqdim etadi.

Korxonalar soliqni qo`shilgan qiymat solig’i bo`yicha hisob-kitoblarni taqdim etish uchun belgilangan kungacha (hisobot oyidan keyingi oyning 15-kunidan kechiktarmasdan), tegishli davr (oy) uchun sotishga doir amaldagi aylanma (hisobga kiritilgan QQSni hisobga olgan holda) asosida to`laydi.
Korxona soliqlar va yig’imlar summalarini ortiqcha to`lagani va soliqlar va yig’imlar bo`yicha qarzi bo`lmagani taqdirda bunday summalar bo`lg’usi to`lovlar hisobiga o`tkaziladi yoki to`lovchining yozma arizasi olingan kundan boshlab o`ttiz kun muddatda korxonaga qaytariladi.


Import qilinadigan ishlar va xizmatlarga QQS

Tuzilgan shartnomalar (kontraktlar)ga muvofiq respublika hududiga import qilinadigan ishlar va xizmatlar qo`shilgan qiymat solig’i solinadigan ob’ekt hisoblanadi.

Import qilinadigan ishlar va xizmatlar uchun qo`shilgan qiymat solig’i hisoblash va to`lash 3-bobning III «Bojxona to`lovlari» — qismida keltirilgan.
Import qilinadigan ishlar (xizmatlar) 2002 yil 25 apreldan boshlab «O`zbekiston xududiga import qilingan ishlar (xizmatlar) bo`yicha qo`shimcha qiymat solig’ini hisoblab chiqarish va to`lash tartibi to`g’risida»gi (Adliya vazirligida 15.04.2002 y. 1123-son bilan ro`yxatga olingan) yo`riqnomaga asosan olib boriladi.
O`zbekiston Respublikasi hududiga ishlar, xizmatlarni import qiluvchi yuridik shaxslar ana shu import qilinadigan ishlar, xizmatlarga qo`shilgan qiymat solig’i to`lovchilari hisoblanadi.
Import qilinadigan ishlar (xizmatlar) bo`yicha qo`shilgan qiymat solig’i quyidagi formula bo`yicha hisoblab chiqariladi: