Qishloq xo‘jaligiga mo‘ljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash to‘G‘risida

ochiq elektron tanlov — lotni ijaraga berishda talabgorlardan kelib tushgan takliflar orasidan
eng yaxshi taklifni avtomatik ravishda baholash yo‘li bilan g‘olibni aniqlash bo‘yicha o‘tkaziladigan
ochiq elektron tanlov shakli;

---

talabgor — lotni qo‘lga kiritish bo‘yicha qiziqish bildirib, ochiq elektron tanlovda ishtirok etish
uchun murojaat qilgan, o‘n sakkiz yoshga to‘lgan, muomalaga layoqatli O‘zbekiston Respublikasi
fuqarosi yoki O‘zbekiston Respublikasi hududida doimiy yashovchi fuqaroligi bo‘lmagan shaxs;
tanlov g‘olibi — ochiq elektron tanlov natijalari bo‘yicha eng yuqori ballga ega bo‘lgan
talabgor;
tanlovning salohiyatli g‘olibi — tanlov g‘olibining taklifidan keyingi eng yaxshi taklifni
taqdim etgan talabgor;
texnik uzilish — tanlov jarayonida bir yoki bir nechta ishtirokchining qatnashishini yoki
mazkur Reglament talablari asosida operatorning xizmat ko‘rsatish imkoniyatini cheklaydigan
savdo platformasidagi texnik nosozliklar;
shaxsiy kabinet — ishtirokchiga tanlovlarga buyurtma berish, ularda qatnashish, shaxsiy
hisobni boshqarish, uning holati va boshqa statistik ma’lumotlarni ko‘rish hamda operator
tomonidan jo‘natilayotgan xabarlar bilan tanishib borish imkonini beruvchi savdo platformaning
maxsus bo‘limi;
elektron buyurtma — dehqon xo‘jaligi yuritish uchun yer uchastkalarini ochiq elektron tanlov
asosida realizatsiya qilish bo‘yicha tanlov tashkil qilish yuzasidan ijrochi tomonidan operatorga
beriladigan elektron buyurtma;
elektron raqamli imzo (keyingi o‘rinlarda — ERI) — elektron hujjatdagi mazkur elektron
hujjat axborotini elektron raqamli imzoning yopiq kalitidan foydalangan holda maxsus o‘zgartirish
natijasida hosil qilingan hamda elektron raqamli imzoning ochiq kaliti yordamida elektron
hujjatdagi axborotda xatolik yo‘qligini aniqlash va elektron raqamli imzo yopiq kalitining egasini
identifikatsiya qilish imkoniyatini beruvchi imzo;
“E-IJARA” axborot tizimi (keyingi o‘rinlarda — “E-IJARA” AT) — yer uchastkalarini berish
bo‘yicha materiallarni to‘plash, ko‘rib chiqish va vakolatli organlar va tashkilotlar bilan kelishishni
amalga oshirishga mo‘ljallangan avtomatlashtirilgan axborot tizimi;
“E-AUKSION” elektron savdo platformasi (keyingi o‘rinlarda — savdo platformasi) — yer
uchastkalarini ijaraga berish uchun ochiq onlayn tanlovlarni tashkil etish axborot tizimi.
3. Dehqon xo‘jaligi yuritish uchun yer uchastkalarini ochiq elektron tanlov orqali ijaraga berish
ushbu Reglamentga 
1-ilovaga 
muvofiq sxema bo‘yicha amalga oshiriladi.
4. Dehqon xo‘jaligi yuritish uchun yer uchastkasi O‘zbekiston Respublikasining Yer
 kodeksi 
va
“Dehqon xo‘jaligi to‘g‘risida”gi 
Qonunida
 belgilangan muddatlarga va o‘lchamlarda ijaraga beriladi.