Qarshi muhandislik-iqtisodiyot instituti

6.1. Bitiruv malakaviy ishining bajarilishini tashkil etish
Bitiruv malakaviy ishining bajarilish muddati o‘quv rejasiga asosan belgilanadi. Bitiruv malakaviy ishini yozishdan avval malakaviy amaliyot o‘tkazilib, ushbu davrda amaliyot bazasi hisoblanuvchi xo‘jalik yurituvchi subyektlarida olib borilayotgan buxgalteriya hisobi, tahlil va audit jarayonlari o‘rganilib, bitiruv malakaviy ishini bajarish uchun kerakli materiallar to‘planadi.

Bitiruv malakaviy ishining ilmiy rahbari talaba bilan birgalikda bitiruv malakaviy ishi yuzasidan topshiriqlarni va ularni bajarish bo‘yicha kalendar jadvalini ishlab chiqadi va uni o‘z imzolari bilan tasdiqlaydilar. Bitiruv malakaviy ishini bajarish yuzasidan tuzilgan mazkur topshiriq kafedra mudiri tomonidan tasdiqlanib, kafedra majlisi tomonidan muhokama qilinadi hamda ushbu masala bo‘yicha tegishli qaror qabul qilinadi.

Ilmiy rahbar bilan bitiruv malakaviy ishini bajaruvchi talabaning uchrashuvi har xafta kafedrada yoki rahbarning talabani amaliyot o‘tayotgan joyiga borganida (kamida bir haftada 1 marta) amalga oshiriladi.

Bitiruv malakaviy ishini bajarayotgan talaba ilmiy rahbar va kafedra mudiri tasdiqlagan topshiriq va uni bajarish bo‘yicha tuzilgan kalendar rejaga qat’iy rioya etishi kerak.