Qarshi muhandislik-iqtisodiyot instituti mustaqil ishlari bajarish, yozish va rasmiylashtirish tartiblari

I.4.MAVZU BO‘YICHA TEST TOPSHIRIQLARI,
MUNOZARALI SAVOLLAPR VA TOPSHIRIQLAR TAYYORLASH
Talabaga muayyan mavzu bo‘yicha test topshiriqlari, qiyinchilik darajasi har xil bo‘lgan masalalar va topshiriqlar, munozaraga asos bo‘ladigan savollar tuzish topshiriladi.
Bunda fan o‘qituvchisi tomonidan test topshiriqlariga qo‘yiladigan talablar va uni tuzish qonun-qoidalari, qanday maqsad ko‘zda tutilayotganligi, muammoli savollar tuzishda mavzuning munozarali momentlarini qanday ajratish lzimligi, topshiriqlarni tuzish usullari bo‘yicha yo‘l-yo‘riqlar beriladi. Maslahatlar berish paytida bajarilgan ishlarning qo‘yilgan vazifasi va talabaning javob berish darajasi nazorat qilinadi (qaytadan ishlab kelish, aniqlashtirish yoki to‘ldirish taklif etilishi mumkin).
Test topshiriqlari, o‘z-o‘zini nazorat qilish savollari va topshiriqlar majmuasi kafedrada ekspertlar ishtirokida himoya qilinadi.


I.5. ILMIY MAQOLA, TEZISLAR VA MA’RUZALAR TAYYORLASH
Talabaga biron-bir mavzu bo‘yicha (mavzuni talabaning o‘zi ham tanlashi mumkin) ilmiy (referativ) tavsifdagi maqola, tezis yoki ma’ruza tayyorlash topshirilishi mumkin. Bunda talaba o‘quv adabiyotlari, ilmiy-tadqiqot ishlari, dissertatsiyalar, maqola va monografiyalar va boshqa axborot manbalaridan mavzusiga tegishli materiallaar to‘playdi, tahlil qiladi, zarurlarini ajratib olib, tartibga soladi, shaxsiy tajribasi va bilimi, ilmiy natijalariga asoslangan holda qo‘shimchalar, izohlar kiritiladi, o‘z nuqtai-nazarini bayon etadi va asoslaydi. Bunda talaba fan o‘qituvchisi bilan hamkorlikda ishlaydi.
Tayyorlangan maqola, tezis yoki ma’ruza kafedrada komissiya ishtirokida himoya qilinadi.
I.6. AMALIY MAZMUNDAGI NOSTANDART MASALALARNI YECHISH VA IJODIY ISHLASH

Bir mavzu yoki bo‘lim bo‘yicha nostandart, alohida yondashish talab qilinadigan, nazariy ahamiyatga ega bo‘lgan amaliy topshiriqlar, ijodiy yondashish talab qilinadigan ilmiy-ijodiy vazifalar, modellar, maketlar, namunalar yaratish vazifasi topshirilishi mumkin. Amaliy topshiriqlar masalani hal qilishning optimal variantlarini izlashga va topishga qaratilgan bo‘lishi kerak.

Talabaning qiziqish va qobiliyatiga qarab, unga ilmiy tavsifdagi topshiriqlar berish, fan o‘qituvchisi bilan hamkorlikda ilmiy maqolalar tayyorlash va chop ettirish mumkin.