Qarshi muhandislik-iqtisodiyot instituti mustaqil ishlari bajarish, yozish va rasmiylashtirish tartiblari

I.1.MAVZUNI MUSTAQIL O‘ZLASHTIRISH
Fanning xususiyat, talabalarning bilim darajasi va qobiliyatiga qarab, fanning o‘quv dasturiga kiritilgan alohida mavzular talabalarga mustaqil ravishda o‘zlashtirish uchun topshiriq ssifatida beriladi. Bunda mavzuning asosiy mazmunini ifodalash va ochib berishga xizmat qiladigan tayanch iboralar, mavzuni tizimli bayon qilishga hizmat qiladigan svollarga e’tiborni qaratish, asosiy o‘quv adabiyotlar va axborot manbalarini ko‘rsati lozim.
Topshiriqni bajarish jarayonida talabalar mustaqil ravishda o‘quv adabiyotlaridan foydalanib, berilgan mavzuni konspekt qiladi, tayanch iboralarning mohiyatini anglagan holda mavzuga taaluqli savollarga javob tayyoraydi. Zarur hollarda (o‘zlashtirish qiyin bo‘lsa, savollar paydo bo‘lsa, o‘quv adabiyotlari yetishmasa, mavzuni tizimli bayon eta olmasa va h.z.) fan o‘qituvchisidan maslahatlar oladi.
Mustaqil o‘zlashtirilgan mavzu bo‘yicha tayyorlangan matn kafedra komissiya ishtirokida himoya qilinadi.


I.2.REFERAT TAYYORLASH
Talabaga fanning o‘quv dastur asosida berilgan variantlar asosida referat tayyorlash uchun mavzu beriladi. Referatni tayyorlash uchun talaba asosiy adabiyotlardan tashqari, qo‘shimcha adabiyotlardan (monografiya, ilmiy va uslubiy maqolalar, Internetdan olingan ma’lumotlar, elektron kutubxona materiallari va h.z.) foydalanib materiallar to‘playdi, tahlil qiladi, tizimga soladi va mavzu bo‘yia imkon daarajasida to‘liq, keng ma’lumotlar berishga harakat qiladi. Zarur hollarda fan o‘qituvchisidan maslahat va ko‘rsatmalar oladi.
Yakunlangan referat ishi kafedrada ekspertlar ishtirokida himoya qilinadi.
I.3.KO‘RGAZMALI VOSITALAR TAYYORLASH
Talabga muayyan mavzuni bayon qilish va to‘liq o‘zlashtirish uchun yordam beradigan ko‘rgazmali materiallar (jadvallar, chizmalar, rasmlar, xaritalar, maketlar, modellar, grafiklar va h.z.) tayyorlash uchun topshiriq beriladi. Mavzu talabaning qobiliyatiga qarab, fan o‘qituvchisi tomonidan aniqlanib, talabaga ma’lum ko‘rsatmalar, yo‘l-yo‘riqlar beriladi. Ko‘rgazmali vositalarning miqdori, shakli va mazmuni talaba tomonidan tanlanadi. Bunday vazifani bir mavzu bo‘yicha bir-necha talabaga ham topshirish mumki.
Talaba ko‘rgazmali materiallardan foydalanish bo‘yicha yozma ravishda tavsiyalar tayyorlaydi va kafedrada himoya qiladi.