Qarshi davlat universiteti kimyo – biologiya fakulteti noorganik kimyo kafedrasi mavzu: Uchuvchan suyuq aralashmalarnnng termodinamikasi. Gibbs-Konovalov va Vrevskiy qonunlari. VI. 11. Uchuvchan suyuq aralashmalar termodinamikasi

QARSHI DAVLAT UNIVERSITETI KIMYO – BIOLOGIYA FAKULTETI NOORGANIK KIMYO KAFEDRASI MAVZU: Uchuvchan suyuq aralashmalarnnng termodinamikasi. Gibbs-Konovalov va Vrevskiy qonunlari. VI.11. Uchuvchan suyuq aralashmalar termodinamikasi. Gibbs-Konovalov qonunlari. Azeotrop aralashmalar

Yuqorida ta’kidlaganimizdek, Raul tenglamalari ideal eritma-lar uchun keltirib chiqarilgan va to‘g‘ri natijalarni beradi. Cheksiz suyultirilgan eritmalarda Raul tenglamalarini faqat erituvchiga qo‘llasa bo‘ladi, erigan moddaga esa, qo‘llab bo‘lmaydi. Chunki cheksiz suyultirilgan eritmalarda faqat erituvchining parsial bug‘ bosimi ideal eritmalar qonunlariga bo‘ysunadi. Erigan moddaning cheksiz suyultirilgan eritma ustidagi parsial bug‘ bosimi Genri qonuni bilan ifodalanadi. Ideal eritmalarda Genri koeffitsiyenti erigan moddaning to‘yingan bug‘ bosimiga teng bo‘lib qoladi va Genri qonuni Raul qonuniga o‘tadi: р2=р02х2. Raul qonuni erigan moddaning bug‘ bosimi toza erituvchinikidan juda kichik bo‘lgan, ya’ni uchuvchan bo‘lmagan moddalarning suyultirilgan eritma-larigagina tatbiq etilishi mumkin, shundagina Raul qonuni tajribaga muvofiq keladi. Katta to‘yingan bug‘ bosimlarida va gazlarning aralashmalarida Raul tenglamasining aniqligi yo‘qoladi, chunki bug‘ning ideal gaz qonunlaridan chetlanishi oshib ketadi. Bunday hollarda bosim o‘rniga uchuvchanlik qo‘llaniladi. Ammo Gibbs-Dyugem va Dyugem-Margulis tenglamalaridan erigan moddaning cheksiz suyultirilgan eritma ustidagi parsial bug‘ bosimini eritma-ning tarkibiga bog‘liqligini keltirib chiqarish mumkin. Uchuvchan moddalar aralashmalari (eritmalari) bug‘ bosimining qonuniyatlarini Gibbs-Konovalov qonunlari ifodalaydi.