Qarshi davlat universiteti iqtisodiyot kafedrasi davlat boshqaruvida inson resurslari

III. Davlat fuqarolik xizmati tizimining salohiyatini yuksaltirish
Milliy kadrlar zahirasi, vakant lavozimlar va ularga tayinlash uchun o‘tkazilayotgan tanlovlar, davlat organlari va tashkilotlarining son va sifat tarkibi to‘g‘risida axborot ma’lumotlar bazasini shakllantirish uchun davlat fuqarolik xizmatining yagona elektron axborot-tahlil tizimini yaratish.
Davlat fuqarolik xizmati va geraldika sohasini yanada rivojlantirishga qaratilgan ilmiy tadqiqot yo‘nalishlari ro‘yxatini shakllantirish, ushbu ro‘yxat asosida Oliy ta’lim yo‘nalishlari va ixtisosliklari klassifikatoriga yangi istiqbolli mutaxassisliklarni kiritish.
Davlat fuqarolik xizmatining yagona elektron axborot-tahlil tizimini O‘zbekiston Respublikasi yagona interaktiv davlat xizmatlari portali, Yagona milliy mehnat tizimi, davlat organlari va tashkilotlarining boshqa axborot tizimlari, shu jumladan Ichki ishlar vazirligi va O‘zbekiston Respublikasi Vazirlar Mahkamasi huzuridagi Personallashtirish markazining axborot tizimlari bilan integratsiyalash.
Istiqbolli kadrlarni Milliy kadrlar rezerviga qo‘shish uchun tanlov saralashlarini tashkil qilish.
Tarmoq xususiyatlaridan kelib chiqqan holda respublika, viloyat va tuman darajasidagi davlat fuqarolik xizmatchilarini qayta tayyorlash va malakasini oshirish dasturlarini ishlab chiqish.
Davlat xizmatini rivojlantirishni qo‘llab-quvvatlash jamg‘armasi hisobidan davlat fuqarolik xizmatchilarining malakasini oshirish uchun grantlar ajratish tartibini ishlab chiqish va tasdiqlash.
Davlat boshqaruvi akademiyasi negizida yaqin xorijiy mamlakatlar bilan davlat xizmatini rivojlantirish sohasida hamkorlik qilish va tajriba almashish bo‘yicha mintaqaviy platforma yaratish.
Davlat fuqarolik xizmati va geraldika fanini rivojlantirish sohasida tadqiqotlar olib borish, shu jumladan xorijga chiqib xalqaro tajribani o‘rganish uchun davlat grantini olish bo‘yicha respublika ko‘rik-tanlovini tashkil etish.
Tanlov saralashlari natijalari hamda davlat organlari va tashkilotlarining kadrlar zahirasini integratsiyalash asosida Milliy kadrlar zahirasini shakllantirish.
Istiqbolli davlat fuqarolik xizmatchilari hamda Milliy kadrlar zahirasiga kiritilgan shaxslarning, shu jumladan xorijiy stajirovkalarini tashkil etish bo‘yicha milliy va tarmoq dasturlarini amalga oshirish.
Malakali va yuqori malakali mutaxassislarni, shu jumladan xorijda yashovchi vatandoshlarni va xorijiy davlatlarning fuqarolarini saralab olish hamda davlat organlari va tashkilotlarida ishlash uchun jalb etish bo‘yicha faoliyatni tashkillashtirish.
Davlat fuqarolik xizmati yagona elektron axborot-tahlil tizimini ishlatish va texnik qo‘llab-quvvatlash sohasida mutaxassislarni tayyorlash va o‘qitish bo‘yicha metodik materiallar tayyorlash, shuningdek, seminar-treninglar o‘tkazish.
Xorijiy ekspertlarni jalb qilgan holda, davlat fuqarolik xizmati va geraldikani rivojlantirish sohasidagi masalalarni muhokama qilish va tajriba almashish bo‘yicha respublika va xalqaro darajadagi tadbirlarni (konferenstiyalar, simpoziumlar, davra suhbatlari, seminarlar, treninglar va boshqalar) tashkil etish.