Qarshi davlat universiteti iqtisodiyot kafedrasi davlat boshqaruvida inson resurslari

Noadekvat (bir xil boʻlmagan) ta’lim. Ayrim hollarda zahiraga olingan davlat xizmatchilarini yaqinda ularning rahbarlari qatnashib qaytgan oʻquv kurs (trening)larga yuboriladi. Davlat tashkilotlari menejmenti boʻyicha oʻqitishning mazmuni barcha mutaxassislarga har doim ham mos kelavermaydi, vaholanki, ular bu oʻquv kurslarini tushunishga tayyor boʻlishlari lozim. Bunday hollarda faqat moslashtirilgan dasturlarni ishlab chiqish va amaliyotga joriy etish tavsiya etiladi. Masalan, boʻlim rahbarlari uchun yigʻilishlar oʻtkazish mahorati boʻyicha treninglar berilishi mumkin, ammo oddiy xodimlarga yigʻilishlar oʻtkazish, ularni boshqarish, samaradorligini oshirish masalalari qiziqarli ham emas, bu masalalar boʻyicha koʻnikmalarga ega boʻlish zarurati ham yoʻq. Vaholanki, har bir oʻquv kurslarini tashkil etish vaqt va mablagʻlar sarfiga olib keladi, ularni esa tejash kerak.
3. Ta’limga strategik yondashish. Davlat boshqaruvida inson resurslarini boshqarish strategiyasi quyidagilarga zamin yaratadi: biznes strategiyasini amalga oshirish; tizimli boshqaruvga oʻtish (jarayonlar, bosqichlar orqali); inson omiliga bogʻliq boshqarishni minimallashtirish; uzoq muddatli istiqbolda davlat xizmatlarini rivojlantirish.
Kadrlar boʻyicha strategiyani ishlab chiqish orqali quyidagi masalalar oʻz yyechimini topadi:

• 
  korporativ ta’limning kamchiliklarini bartaraf etish;
  
• 
  oʻquv ehtiyojlarini baholashning samarali usullarini tanlash;
  
• 
  oʻquv tadbirlarini rejalashtirish va oʻtkazish samaradorligini oshirish.
  

Oʻzbekiston Respublikasi davlat tashkilotlarida kadrlar ishini nazorat qiluvchi va bir qator qoʻshimcha funksiyalarni bajaradigan, shu jumladan kadrlar strategiyasini ishlab chiqadigan maxsus kadrlar boʻlimi mavjud. Bu boʻlim davlat tashkilotlari uchun zarur boʻlgan boʻlgʻusi xodimlar roʻyxatini aniqlash, kadrlar strategiyasi loyihasini ishlab chiqish va taqdimotini oʻtkazish, kadrlarni baholash, shuningdek tashkilotda ishlaydigan xodimlar bilan shartnomalar tuzilishi, bajarilishi, xodimlarning bir lavozimdan ikkinchi lavozimga oʻtkazilishi, kadrlarni stajirovkadan oʻtkazish, malakasini oshirish va kasbiy qayta tayyorlash, ularni ishdan boʻshatish, nafaqaga chiqarish va kadrlarga bogʻliq boshqa masalalar bilan shugʻullanadi. 9.2-jadvalda davlat xizmatchilarini tayyorlashning strategik yoʻnalishlari va ularni oʻqishga ehtiyojlarini baholash usullari keltirildi.

9.2-jadval