Qarshi davlat universiteti iqtisodiyot kafedrasi davlat boshqaruvida inson resurslari

Davlat xizmatchilarini tayyorlashning strategik yoʻnalishlari va ularni oʻqishga ehtiyojlarini baholash usullari

Strategiya yoʻnalishlari	Oʻqishga ehtiyojlarni baholash usullari
Kompetentlikni ta’minlash va kar’yerani rivojlantirish	- ijroni baholash; - individual rivojlanish rejalari; - bilimlar va koʻnikmalar mavjudligini tahlil qilish
Jalb etishni kuchaytirish	- xulq-atvorni kompaniya qadriyatlariga muvofiqligini baholash; - koʻproq jalb qilingan xizmatchilarni shaxsiy xarakteristikalarini baholash va tahlil qilish
Motivatsiyani kuchaytirish	koʻproq motivatsiyalangan xizmatchilarni shaxsiy xarakteristikalarini baholash va tahlil qilish

Davlat tashkilotlarida xizmatchilarning malakasi, tajribasi, ma’naviyati va boshqa muhim shaxsiy fazilatlarining rivojlanish darajasini baholash uchun turli xil usullar qoʻllaniladi: baholash markazining yoʻnalishlari, menejerlar va xodimlar bilan suhbatlashish va b.

Turli toifadagi lavozimlar uchun vakolatlar majmuini ishlab chiqishda kompaniyaning qadriyatlari asosida tuzilgan asosiy korporativ vakolatlarni hisobga olish zarur.
Oʻrganilgan tashkilotlar tajribasi shuni koʻrsatadiki, faqat xodimlarni boshqarish boʻyicha strategik yondashuv tashkilot faoliyati samaradorligini oshirish uchun tayyorlangan korporativ oʻquv tizimini yaratishga imkon beradi, shu jumladan:
zarur zamonaviy bilim va koʻnikmalar (professional, boshqaruv va shaxsiy)ni rivojlantirish);
nafaqat hozirgi, balki tashkilotning istiqboldagi strategik rejalari, ehtiyojlari va bozor tendensiyalarini hisobga olish;
davlat xizmatlarining barcha sohalarida barcha toifadagi kadrlarni har tomonlama baholash va oʻqitish.
Oʻzbekistonda davlat xizmatini isloh qilish islohotlarning ustuvor yoʻnalishi hisoblanadi. Bugungi kunda davlat boshqaruvida davlat xizmati organlari faoliyatining yuqori samaradorligi, kompetentliligi va benuqsonligini kafolatlashga qodir boʻlgan, yuqori malakali kasbiy tayyorgarlikka ega va axloqiy jihatdan mukammal davlat xizmatchilarini shakllantirish eng dolzarb vazifa hisoblanadi.
Davlat xizmatining milliy modeli Oʻzbekiston Respublikasi Konstitutsiyasi va davlat siyosatiga muvofiq, xalqimizning oʻziga xos xususiyatlarini, tarixiy oʻtmishi, madaniy va milliy an’analari, iqtisodiy va ijtimoiy omillari va boshqa qadriyatlarini hisobga olgan holda, davlat xizma-tining xorijiy tizimlari faoliyatini oʻrganish natijasida ishlab chiqilgan.