Qarshi davlat universiteti iqtisodiyot kafedrasi davlat boshqaruvida inson resurslari

Milliy parlamentarizmning eng yangi tarixi
Oʻzbekiston 1991 yil 1 sentyabrda davlat mustaqilligiga erishgach, davlat hokimiyatining eng muhim institutlaridan biri sifatida milliy parlamentni rivojlantirishning sifat jihatidan yangi bosqichi boshlandi. Milliy parlamentarizmning eng yangi tarixi umum e’tirof etilgan uchta asosiy davrga boʻlinadi. Birinchi davr: 1991-1994 yillar, ikkinchisi: 1995-2004 yillar va uchinchi davr: 2005 yildan hozirgi paytgacha.
Birinchi davr: 1991-1994 yillar
Oʻtish davri parlamenti deb atash mumkin boʻlgan oxirgi chaqiriq Oliy Kengash davlat boshqaruvining mutlaqo yangi organlarini tashkil etishning, ijtimoiy yoʻnaltirilgan bozor iqtisodiyotiga asoslangan adolatli demokratik jamiyat qurishning huquqiy negizi boʻlgan Oʻzbekiston Respublikasi Konstitutsiyasini qabul qildi. Parlament yosh davlatning suverenitetini mustahkamlashga qaratilgan «Oʻzbekiston Respublikasi ning davlat mustaqilligi asoslari toʻgʻrisida»gi, «Oʻzbekiston Respublikasi Prezidenti saylovi toʻgʻrisida»gi, «Oʻzbekiston Respublikasi ning Davlat gerbi toʻgʻrisida»gi, «Oʻzbekiston Respublikasi ning Davlat madhiyasi toʻgʻrisida»gi, «Oʻzbekiston Respublikasi ning davlat tili haqida»gi, «Oʻzbekiston Respublikasi Oliy Majlisiga saylov toʻgʻrisida»gi va boshqa bir qator qonunlarni qabul qildi.
Oliy Kengashning oʻn ikkinchi sessiyasi 1994 yil 23 sentyabrda Oʻzbekiston Respublikasi Oliy Majlisiga birinchi saylovni 1994 yil 25 dekabrda oʻtkazish toʻgʻrisida qaror qabul qildi. Uch bosqichda (1994 yil 25 dekabrda, 1995 yil 8 va 22 yanvarda) boʻlib oʻtgan saylov yakunlariga binoan 245 nafar deputatdan iborat tarkibdagi parlament shakllantirildi. Saylov koʻp partiyaviylik asosida oʻtkazildi.
Dunyo mamlakatlarining ba’zilaridagi parlamentlarida deputatlar soni quyidagicha:

1. 
   AQSH Kongressiga 535 deputat saylanadi.
   
2. 
   Rossiya Federal Majlisiga 626 deputat saylanadi.
   
3. 
   Misrda Xalq Assambleyasiga 454 deputat saylanadi.
   
4. 
   Isroil Knessetiga 120 deputat saylanadi.
   
5. 
   Finlyandiya, Eduskuktiga 200 deputat saylanadi.
   
6. 
   Islandiya Altinggiga 63 deputat saylanadi va h.k.