Qarshi davlat universiteti iqtisodiyot kafedrasi davlat boshqaruvida inson resurslari

Nazorat savollari:

1. 
   Davlat xizmatchilari kasaba uyushmalarining normativ-huquqiy bazasi haqida tushuncha bering?
   
2. 
   Davlat-xizmat munosabatlarining huquqiy tartibga solinganlik darajasi qanday?
   
3. 
   Davlat xizmatini rivojlantirish agentligining asosiy vazifalari nimalardan iborat?
   
4. 
   Kasaba uyushmasi nima?
   
5. 
   boshlangʻich kasaba uyushmasi tashkiloti nima?
   
6. 
   kasaba uyushmalarining birlashmasi nima?
   
7. 
   Jamoa shartnomasi haqida ma’lumot bering?
   
8. 
   Xodimlarni mehnat huquqini himoya qilish deganda nimani tushinasiz?
   
9. 
   Nizolarni hal qilishning shaxslararo qanday usullari mavjud?
   
10. 
    Davlat xizmatini rivojlantirish agentligining asosiy vazifalari nimalardan iborat?
    
11. 
    Nizo sabablarini aniqlashning qanday usullari mavjud?
    
12. 
    Nizolar, agar ularni hal qilishning samarali yoʻli topilmasa, qanday salbiy oqibatlarga olib kelishi mumkin?
    
13. 
    Nizolarni hal qilish qanday tarkibiy usullardan iborat?
    

13-mavzu. Davlat xizmatida inson resurlarini boshqarishning elektron tizimi


Reja:
13.1. Raqamli iqtisodiyotga oʻtish sharoitida inson resurslarini boshqarish tizimini raqamlashtirish.
13.2. Kadrlarni elektron boshqarish tizimi va uning afzalliklari.
13.3. Janubiy Koreya Respublikasi davlat boshqaruvida inson resurslarini boshqarishda qoʻllaniladigan “e-Saram” elektron tizimi.


Tayanch so’z va iboralar: raqamli iqtisodiyot, elektron tizim, kadrlarni elektron boshqarish, “e-Saram” elektron tizimi, kraudsorsing.

1. 
   Raqamli iqtisodiyotga oʻtish sharoitida inson resurslarini boshqarish tizimini raqamlashtirish
   

Bugun jamiyatda raqamli texnologiyalarning ahamiyati tobora ortmoqda. Ularning keng joriy qilinishi va raqamli iqtisodiyotni rivojlantirish masalalari hozirgi zamonda har bir davlat uchun jiddiy hayotiy masalaga aylangan. Ekspertlar fikricha, kelgusi 3 yilda iqtisodiyotni raqamlashtirish orqali dunyodagi 22 foiz ish oʻrni axborot texnologiyalari yordamida yaratiladi. Prezidentimizning Oliy Majlisga Murojaatnomasida raqamli iqtisodiyotga faol oʻtish kelgusi 5 yildagi eng ustuvor vazifalardan biri sifatida belgilandi.

Xalqaro amaliyotga yuzlanadigan boʻlsak, hozirgi kunda raqamli iqtisodiyot elektron tijorat va xizmatlar sohasi bilan cheklanib qolmay, balki hayotning har bir jabhasiga, xususan, sogʻliqni saqlash, fan-taʼlim, qurilish, energetika, qishloq va suv xoʻjaligi, transport, geologiya, kadastr, arxiv, internet-banking va boshqa sohalarga jadal kirib bormoqda va ularning har birida oʻzining yuqori samaralarini bermoqda. Davlat oʻz fuqarolari uchun elektron xizmatlar koʻrsatishi va elektron mahsulotlarni taklif etishi — bu raqamli iqtisodiyotning asosiy qismi hisoblanadi. Mamlakatimizda ushbu sohani keng rivojlantirish korrupsiya illatiga barham beradi.
IRB tizimlarini raqamlashtirish. Iqtisodiyot tarmoqlari va davlat boshqaruvi tizimiga zamonaviy axborot texnologiyalarini keng joriy etish va telekommunikatsiya tarmoqlarini kengaytirish orqali respublika iqtisodiyotining raqobatbardoshligini yanada oshirish maqsadida 2020 yil 28 aprelda “Raqamli iqtisodiyot va elektron hukumatni keng joriy etish chora-tadbirlari toʻgʻrisida” PQ-4699-sonli qarori qabul qilindi.
Qarorning 6-ilovasida 2020 — 2022-yillarda iqtisodiyotning real sektori tarmoqlarida zamonaviy axborot-kommunikatsiya texnologiyalarini keng joriy qilish boʻyicha ustuvor loyihalar roʻyxatiga Inson resurslarini boshqarish tizimi (HRMS)ni hamda xodimlar faoliyatini baholash tizimi (KPI)ni joriy etish vazifasi qoʻyilgan.