Qarshi davlat universiteti iqtisodiyot kafedrasi davlat boshqaruvida inson resurslari

GLOSSARIY

Aholi	Ma’lum bir ma’muriy hududda va muddatda (yil, chorak, oy) yashovchi odamlar soni.
Aholi bandligiga ko‘maklashish davlat dasturi	Davlat miqyosidagi barcha iqtisodiyot tarmoqlari va ijtimoiy sohalarida yangi ish o‘rinlarini tashkil etish va aholini bandlik darajasini oshirib borish prognoz ko‘rsatkichlari, o‘sha prognoz ko‘rsatkichlarga erishish bo‘yicha aniq muddatlarni va mas’ul ijrochilarni o‘z ichiga olgan, belgilangan, respublika va hududiy idoralar tomonidan tasdiqlanadigan hujjat hisoblanadi.
Aholi bandligiga ko‘maklashish markazi	Aholining ish bilan bandligini rag‘batlantirish bo‘yicha faol chora–tadbirlarni amalga oshirish maqsadida respublika tumanlarida faoliyat ko‘rsatuvchi davlat ijroya muassasasi.
Aholi daromadlari	Bu aholi yoki uning a’zolari tomonidan ma’lum davr ichida bir oy, bir yilda olingan mablag‘ shakli yoki natural qiymatga ega ne’matlar miqdori.
Aholi jon boshiga daromad	Bu oilaning har bir a’zosiga oyiga to‘g‘ri keladigan umumiy daromadining ulushidir.
Aholi jon boshiga hisoblangan yalpi ichki mahsulot (YAIM)	Bu mamlakatning har bir kishiga iqtisodiy ishlab chiqarish hajmini taqsimlaydigan ko‘rsatkich bo‘lib, mamlakat YAIMini aholi soniga bo‘lish orqali hisoblanadi.
Aholini ish bilan band qilish siyosati	Davlat va jamiyatni rivojlantirish maqsadlari uchun ishsiz shaxslarning ijtimoiy–mehnat jarayoniga to‘laqonli jalb etilish va fuqarolarni mehnatga rag‘batlantirish borasidagi chora–tadbirlar majmuasidir.