Психология юнон тилидан таржима қилинганда – таълимот, жон билим тўғрисида (“psyche” – жон, руҳ ва “logos” – таълимот, илм) деган маънони англатади

Чаққонлик - спортчининг ҳаракатлари мувофиқлашган ва улар аниқлигини бевосита куч ва тезликнинг юқори даражаси кўрсатилиши билан боғлиқ комплекс қобилиятларидир. Чаққонлик инсоннинг мураккаб ва мажмуавий психофизик сифати. Унинг ривожланганлик даражаси мураккаб мувофиқлаш масалаларини ечишда қатнашувчи психомотор имкониятларнинг ривожланганлик савияси билан аниқланади. Бундай масалаларни ечиш учун инсон ҳам жисмоний, ҳам руҳий тайёр бўлиши лозим. Яхши ривожланган чаққонлик сифати-ҳаракатларни бошқаришнинг олий шаклларидан бири.
Мувофиқлашув жиҳатидан мураккаб ҳаракатларни яхши ўзлаштириш пайдо бўлаётган вазиятларни тўғри баҳолаш, тўсатдан ўзгараётган шароитларга амал қилиб, мураккаб ҳаракат вазифаларини муваффақиятли ечиш қобилияти билан тавсифланади. Спортчи унинг ниҳоятда муҳим нарса, бу таянчсиз ҳолатда бажариладиган мувофиқлашган ҳаракатлар, тез ўзгарувчи шароитларда (рақиб,тўп) билан бўладиган ҳаракатлар, мувозанатини сақлай билиш ва йўналишни сақлашнинг аъло даражада ривожланишини ҳис қилиши керак.
Чаққонликнинг ривожланишига одатланмаган шароитда бошқа снарядлар, тўсиқларни бошқача жойлаштириш, об-ҳаво шароитларининг қийинлиги ва бошқалар салбий таъсир қилади. Одатдаги машқларни бажариш яхши ёрдам беради. Шунингдек, акробатика, гимнастика ва енгил атлетикага оид машқларни, тўпни узатиш, илиш, дарвозага отиш, халқага ташлаш техникаси билан биргаликда қўшиб ўрганишлар ҳам чаққонликни ривожлантирувчи воситалардан саналади.

Чаққонликни ривожлантиришни 7-10 ёшдан бошлаш керак. Бошланғич синф ўқувчилари мураккаб жисмоний машқлар техникасини осонлик билан ўзлаштириб оладилар.

Машғулотда ва машқ соатларида чаққонлик машқлари тайёрлов ва асосий қисмининг бошида бажарилиши лозим. Толиқиш шароитида чаққонлик оз самара билан ривожланади. Жинсий етуклик даврида чаққонликни ривожлантириш сифатининг кўрсаткичлари секин-аста тушиб боради, ҳатто умуман ёмонлашиб кетади.
Чаққонлик фазилати: Ҳар қандай ҳаракат бирор бир конкрет вазифани ҳал қилишга қаратилган бўлади: мумкин қадар баландроқ сакраш, тўпни илиб олиш, штангани кўтаришлар каби.
2.5. Эгилувчанлик ва уни ривожлантириш услубиёти