Психология фанларини ўҚитишда ўйинли технологиялардан фойдаланишнинг хусусиятлари

ПСИХОЛОГИЯ ФАНЛАРИНИ ЎҚИТИШДА ЎЙИНЛИ ТЕХНОЛОГИЯЛАРДАН ФОЙДАЛАНИШНИНГ ХУСУСИЯТЛАРИ
МУНДАРИЖА


КИРИШ
1.ЎЙИНЛИ ТЕХНОЛОГИЯЛАРНИНГ ПЕДАГОГИК-ПСИХОЛОГИК ТАЛҚИНИ
2.ЎЙИНЛИ ТЕХНОЛОГИЯЛАРНИНГ ТУРЛАРИ
3.ЎЙИНЛИ ТЕХОЛОГИЯЛАРДАН ТАЪЛИМ ЖАРАЁНИДА ФОЙДАЛАНИШ БИЛИМЛАРНИ ЎЗЛАШТИРИШНИНГ ШАРТИ СИФАТИДА
4.ТАЪЛИМ ЖАРАЁНИДА ЎЙИНЛИ ТЕХНОЛОГИЯЛАРДАН ФОЙДАЛАНИШ ИМКОНИЯТЛАРИ
ХУЛОСА
ФОЙДАЛАНИЛГАН АДАБИЁТЛАР


КИРИШ
Инсон ҳар томонлама камол топиши ва фаровонлиги, шахс манфаатларини рўёбга чиқаришнинг шароитлари ва механизмларини яратиш, ескича тафаккур ва ижтимоий хулқ-атвор андозаларини ўзгартириш, республикада амалга оширилаётган ислоҳотларнинг асосий мақсади ва ҳаракатлантирувчи кучидир. Халқнинг бой замонавий маданияти, иқтисодиёт, фан, техника ва технология соҳасидаги ютуқлари асосида мутахассислар тайёрлашнинг мукаммал тизимини шакллантириш Ўзбекистон тараққиётининг муҳим шартидир. Президентимиз Ислом Каримов таъкидлаганидек: «… бугунги кунда олдимизга қўйган буюк мақсадларимизга, эзгу- ниятларимизга эришишимиз, жамиятимизнинг янгиланиши, ҳаётимизнинг тараққиёти ва истиқболи амалга оширилаётган ислоҳотларимиз, режаларимизнинг самараси тақдири – буларнинг барчаси, авваломбор, замон талабларига жавоб берадиган юқори малакали, онгли мутахассис кадрлар тайёрлаш муаммоси билан чамбарчас боғлиқлигини барчамиз англаб этмоқдамиз».
Ўзбекистон Республикаси давлат мустақиллигига эришиб, ижтимоий-иқтисодий ривожланишнинг ўзига хос йўлини танлаши мутахассислар тайёрлаш тизими ва унинг мазмунини қайта ташкил этишни зарур қилиб қўйди ва бир қатор чора- тадбирлар кўришни, шу жумладан, «Таълим тўғрисида»ги қонунни жорий этиш, замонавий дидактик таъминотни ишлаб чиқиш, ўқув-тарбиявий жараённи, илғор ўқув юртларини аттестациядан ўтказишни ва аккредитациялашни, янги типдаги таълим муассалаларини ташкил этиш ҳамда энг асосийси «Кадрлар тайёрлаш миллий дастури» ни ишлаб чиқиш ва ҳаётга татбиқ етишни тақозо етди.
Дастур кадрлар тайёрлаш миллий моделини рўёбга чиқаришни, ҳар томонлама камол топган, жамиятда турмушга мослашган, таълим ва касб-ҳунар дастурларини онгли равишда танлаш ва кейинчалик пухта ўзлаштириш учун ижтимоий-сиёсий, ҳуқуқий, психологик-педагогик ва бошқа тарздаги шароитларни яратишни, жамият, давлат ва оила олдида ўз жавобгарлигини ҳис этадиган фуқароларни тарбиялашни назарда тутади.